 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
امریکی فوجیوں کی لاشیں برآمد | ||||||||||||||||||||||||||||||||||||||||
امریکی فوجی حکام کے مطابق جمعہ کو لاپتہ ہونے والے دو امریکی فوجیوں کی لاشیں بغداد کے جنوبی علاقے سے برآمد ہوگئی ہیں۔ یہ لاشیں پیر کو یوسفیہ کے علاقے سے ملی ہیں۔ عراق کی وزارت دفاع کے ترجمان کے مطابق ہلاک ہونے والے فوجیوں کے جسموں پر تشدد کے نشانات ہیں۔ مزاحمت کاروں کے گروہ نے، جنہوں نے ایک روز پہلے دعوٰی کیا تھا کہ جمعہ سے لاپتہ ہونے والے دو امریکی فوجی ان کے قبضے میں ہیں، اب کہا ہے کہ انہوں نے ان فوجیوں کو ہلاک کیا ہے۔ انٹرنیٹ کی ایک ویب سائٹ پر جاری کردی بیان میں القاعدہ سے منسلک ’مجاہدین شورہ کونسل‘ نامی تنظیم نے کہا تھا کہ ان فوجیوں کو یوسفیہ کے نزدیک سے اغوا کیا گیا تھا۔ امریکی فوج نے غائب ہوجانے والے فوجیوں کے نام کرسٹین مینچاکا اور تھامس ٹکر بتائے تھے اور ان دونوں امریکی فوجیوں کا تعلق 101 ایئر بورن ڈویژن سے تھا۔ ایک اور امریکی فوجی ڈیوڈ بابینیو کو ایک چیک پوسٹ پر حملہ کرکے ہلاک کردیا گیا ہے۔ عراق میں امریکی فوج کے ترجمان میجر جنرل ولیم کالڈویل نے کہا ہے کہ دونوں فوجیوں کی لاشیں منگل کی شام امریکی فوج کو ملی تھیں۔ ان کا کہنا ہے ’یہ دونوں لاشیں گمشدہ امریکی فوجیوں کی ہی ہیں اور انہیں مزید شناخت کے لیئے امریکہ بھیج دیا جائے گا‘۔
ان کا کہنا تھا کہ فی الحال ان کی موت کی وجہ بیان کرنا ناممکن ہے۔ تاہم عراق کی وزارت دفاع کے ترجمان جنرل عبدالعزیز محمد کا کہنا ہے کہ دونوں فوجیوں پر نہایت بیہمانہ طریقےسے تشدد کیا گیا ہے۔ اتحادی فوجی گمشدہ امریکی فوجیوں کی تلاش کے لیئے بڑا آپریشن کررہے تھے۔ جنرل کالڈویل نے کہا ہے کہ ان فوجیوں پر بیتنے والے واقعات کی تفصیل جلد ہی جاری کردی جائے گی۔ ہلاک ہونے والے امریکی فوجیوں کے اہل خانہ نہایت مشتعل ہیں۔ کرسٹن مینچاکا کے انکل کین مکینزی نے امریکی ٹی وی پر کہا ہے کہ ’امریکی فوج کی کوئی باقاعدہ منصوبہ بندی نہیں تھی جس کی سزا میرے بھتیجے کو بھگتنی پڑی۔ اس نے اپنی زندگی کی صورت میں اس کی بہت بڑی قیمت ادا کی ہے‘۔ ’مجاہدین شورہ کونسل‘ نے انٹرنیٹ پر جاری کردہ اپنے بیان میں کہا ہے کہ انہوں نے ان فوجیوں کے گلے کاٹ کر انہیں ہلاک کیا ہے۔ ان دعووں کی آزاد ذرائع سے تصدیق ممکن نہیں ہے۔ تنظیم نے بیان میں القاعدہ کے نئے رہنما ابو حمزہ المہا جر کی تعریف کی ہے اور کہا ہے کہ انہوں نے شرعی قوانین کے تحت دونوں امریکی فوجیوں کو ہلاک کرنے کا فیصلہ کیا۔ منگل کو ایک بیان میں جنرل کالڈ ویل نے کہا ہے کہ امریکی فوج نے یوسفیہ پر حملے میں زرقاوی کے ’اہم ترین ساتھی‘ کو ہلاک کردیا ہے۔ یہ وہی مقام ہے جہاں سے امریکی فوجیوں کو اغوا کیا گیا تھا۔ دوسری جانب پر تشدد کارروائیوں کا سلسلہ جاری ہے۔ بغداد میں ایک بم حملے میں تین افراد ہلاک ہوئے ہیں۔ |  اسی بارے میں  بغداد، رمادی میں دھماکے، دس ہلاک23 October, 2004 | آس پاس رمادی مزاحمت کاروں کے پاس09 November, 2004 | آس پاس بغداد اور رمادی میں زبردست لڑائی18 April, 2006 | آس پاس رمادی جھڑپیں: تین ہلاک، پندرہ زخمی26 February, 2005 | آس پاس عراق: حملوں میں 80 افراد ہلاک05 January, 2006 | آس پاس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
ابو حمزہ المہاجر نے شرعی قوانین کے تحت دونوں امریکی فوجیوں کو ہلاک کرنے کا فیصلہ کیا۔
