رواں سال کے آغاز سے افغانستان کے مشرقی اور جنوبی علاقوں میں ایسے حملوں میں اضافہ ہو چکا ہے جن کا الزام طالبان پر لگایا جاتا ہے۔

پولیس کے مطابق یہ دھماکہ بس میں رکھے بم سے صبح کے مصروف اوقات کے دوران ہوا۔اس کی تصدیق افغانی فوجی افسر کرنل شیر شاہ نے خبر رساں ادارے رائٹر سے بات کرتے ہوئے کی۔

یہ بس ان مزدوروں کو لے کر جا رہی تھی جو قندھار شہر میں واقع اتحادی فوج کے ایک اڈے پر کام کرتے ہیں۔ دھماکے میں کم از کم پندرہ افراد زخمی بھی ہوئے ہیں۔

رواں سال کے آغاز سے افغانستان کے مشرقی اور جنوبی علاقوں میں ایسے حملوں میں اضافہ ہو چکا ہے جن کا الزام طالبان پر لگایا جاتا ہے۔

بس دھماکے سے صرف دو روز قبل طالبان کے ساتھ جھڑپوں میں دو امریکی فوجی ہلاک ہو گئے تھے اور اسی ہفتے ایک برطانوی فوجی بھی مارا گیا ہے۔

اس سال کے دوران افغانستان میں تیس سے زیادہ غیر ملکی فوجی مارے جا چکے ہیں جن میں سے زیادہ تر امریکی تھے۔

گزشتہ ہفتوں کے دوران اتحادی فوج اور طالبان کے درمیان کئی جھڑپیں ہوئی ہیں۔ سرکاری حکام کے مطابق گزشتہ پیر کے روز سینتیس مشتبہ طالبان کو ہلاک کر دیا گیا تھا جب اس کچھ دن پہلے زابل میں چالیس مزاحمت کار مارے گئے تھے۔