محسن عباس ٹورانٹو، کینیڈا

	قیوم عبدل جمال کا تعلق پاکستان سے ہے اور وہ ’الرحمٰن‘ نامی مسجد کی کمیٹی کے رکن ہیں۔

ذرائع کے مطابق رمارا کے رہاشیوں نے علاقے میں گولیاں چلنے کی آواز سننے پر پولیس کو بلایا تھا جس کے بعد پولیس نے یہ کارروائی کی۔ پولیس کو موقع سے گولیاں چلائے جانے کے شواہد بھی ملے ہیں۔

جن افراد کے خلاف مقدمہ درج کیا گیا ہے ان میں فہیم احمد، زکریا عمارہ، اسد انصاری، شریف عبدالحلیم، سعد خالد اور قیوم عبدل جمال شامل ہیں۔ اگر ان چھ پر لگائے گئے الزامات ثابت ہو جاتے ہیں توانہیں عمر قید کی سزا ہو سکتی ہے۔ منگل کے روز ان افراد کو عدالت میں پیش کیا جا رہا ہے۔

تینتالیس سالہ قیوم عبدل جمال کا تعلق پاکستان سے ہے اور وہ ’الرحمٰن‘ نامی مسجد کی کمیٹی کے رکن ہیں۔ ان پر نابالغ افراد کو دہشتگردی کی تربیت لینے پر آمادہ کرنے کا الزام ہے۔

عبدل جمال کے بارے میں کہا جا رہا ہے وہ ماضی میں مشتعل کرنے والی تقاریر بھی کرتے رہے ہیں۔

ان کے چار بیٹے ہیں جبکہ ان کی اہلیہ ایک نومسلم کینڈین ہیں۔ان کی پہلی بیوی چند سال قبل انتقال کر گئی تھیں۔ اگرچہ وہ آج کل بیروزگار تھے لیکن اس سے پہلے وہ بس ڈرائیور کے طور پر کام کرتے رہے ہیں۔