فوج اور پولیس نے طاقت کے بل بوتے پر مظاہرین کو منتشر کیا

ان شاہ مخالف مظاہروں میں ہزاروں افراد کے کرفیو کی خلاف ورزی کی تھی اور ان مظاہروں میں کم از کم چودہ افراد ہلاک ہوئے تھے۔

مظاہرین پر پولیس کے کریک ڈاؤن پر اقوامِ متحدہ سمیت دیگر عالمی اداروں نے کڑی تنقید کی تھی اور سکیورٹی فورسز کے رویے کو زیادتی سے تعبیر کیا تھا۔

ان مظاہروں کے نتیجے میں نیپال میں بادشاہ کے براہِ راست اقتدار کے خاتمے کے بعد دو ہزار دو میں تحلیل کی گئی اسمبلیاں بحال کر دی گئی تھیں اور ایک نئی حکومت کا قیام عمل میں آیا تھا۔

نیپال کی نئی حکومت نے پہلے ہی شاہ کی جانب سے کی گئی تمام تقرریاں منسوخ کر دی ہیں اور متعدد سفراء کو بھی واپس نیپال بلا لیا ہے۔ نئی حکومت کا کہنا ہے کہ وہ ایک نئی اسمبلی کے قیام کے لیئے انتخابات بھی کروائے گی۔اُس اسمبلی کے پاس یہ اختیار ہوگا کہ وہ ملک کا آئین دوبارہ بنائے اور ملک میں بادشاہت کا مستقبل طے کرے۔