ابقیق آئل ریفائنری کے باہر سیکیورٹی سخت کر دی گئی

اس بیان میں کہا گیا ہے کہ یہ حملہ القاعدہ کی ان کوششوں کے سلسلے کی ایک کڑی ہے جس کا مقصد کافروں کو اس سرزمین سے نکالنا ہے۔

سعودی عرب کے تیل کے امور کے وزیر علی النعیمی نے کہا ہے کہ سعودی عرب میں تیل صاف کرنے والے دنیا کے سب سے بڑے کارخانے پر حملے کی ناکام کوشش سے تیل اور گیس کی پیداوار پر کوئی اثر نہیں پڑا ہے۔

سعودی عرب میں تشدد کی لہر

گاڑیوں نے جب کارخانے میں داخل ہونے کی کوشش کی تو پہرے داروں نے انہیں للکارا اور اطلاعات کے مطابق فائرنگ شروع ہو گئی جس میں دو حملہ آور ہلاک ہوگئے۔

سعودی عرب تاریخ کے نئے موڑ پر

سعودی حکام کے مطابق پہرے داروں کی فائرنگ سے ایک گاڑی میں پڑا مواد میں آگ لگ گئی جس سے گاڑی دھماکے سے پھٹ گئی اور اس میں موجود افراد ہلاک ہو گئے۔ ان کے ساتھ ساتھ دو پہرے دار ہلاک اور دو زخمی بھی ہوئے۔

	عالمی منڈی میں تیل کی قیمت میں ایک دم اضافہ ہو گیا

سعودی وزیر نے کہا ہے کہ دھماکے کی وجہ سے تھوڑی سی آگ بھی لگی لیکن اس پر بعد میں قابو پا لیا گیا۔ تجزیہ کاروں کا کہنا ہے کہ اگر یہ حملہ کامیاب ہو جاتا تو سعودی تیل کی برآمدات اگلے ایک سال کے لیے آدھی رہ جاتیں۔

سعودی عرب میں تین سال پہلے اسلامی شدت پسندی کے فروغ کے بعد یہ پہلا موقع ہے کہ تیل کی کسی تنصیب پر حملہ کرنے کی کوشش کی گئی ہے۔ ابقیق کی ریفائنری پانچ ملین بیرل فی یومیہ تیل مہیا کرتی ہے۔

یاد رہے کہ بقیق میں واقع آئل ریفائنری دنیا کی چند بڑی ریفائنریوں میں سے ایک ہے۔