جیریمی بووین
مشرقی وسطیٰ کے امور سے متعلق بی بی سی کے مدیر |  |
| | | ان کی وفات اسرائیل کی تاریخ میں ایک اہم سنگ واقعہ ہو سکتا ہے |
اسرائیل کے لوگ ایریئل شیرون کی بیماری سے چکرا کر رہ گئے ہیں۔ مت بھولیے کہ وہ پہلے بھی شدید بیمار رہے ہیں اور انہیں ہسپتال سے فارغ ہوئے کچھ ہی دن گزرے تھے۔ لیکن جلد ہی وہ دوبارہ کام کرنے لگے اور ایسا محسوس ہوا کہ وہ کبھی بیمار ہوئے ہی نہیں۔ اس وقت ایک اخبار میں بتایا گیا کہ انہیں مخصوص غذا دی جا رہی ہے اور ڈاکٹروں کا خیال ہے کہ ان کی بیماری کی وجہ ان کے دل کا سوراخ ہے۔ ایریئل شیرون اپنی زندگی میں اتنے محاذوں پر لڑ چکے ہیں کہ اب ایسا لگنے لگا تھا کہ وہ نا قابل شکست ہیں۔ لیکن ثابت ہوا کہ وہ انسان ہی ہیں۔ اسرائیلی ہنگامی صورتحال سے بہت جلدی سنبھل جاتے ہیں لیکن سیاست میں شیرون کی عدم موجودگی اور ان کی طبی حالت سے پتہ چلتا ہے کہ ایک رہنما کے طور پر کام کرنا تو درکنار ان کی جان بھی بچنا مشکل نظر آ رہا ہے۔ یہ صورتحال دس سال قبل یتزاک رابن کے قتل کے جیسی ہے جب ذرا مختلف حالات میں ایسا ہی بحران پیدا ہو گیا تھا۔ اس وقت اسرائیلی نہ صرف اپنے وزیر اعظم سے محروم ہو گئے تھے بلکہ ایک ایسا شخص چلا گیا جس کی عسکری میدان میں کارکردگی سے وہ اپنےآپ کو زیادہ محفوظ سمجھنے لگے تھے۔ شیرون کی طرح وہ بھی آبادی کے چند مخصوص طبقوں میں سخت ناپسندیدگی کی نگاہ سے دیکھے جاتے تھے۔ لیکن ان کی سیاسی طاقت ان کے سخت رویے میں تھی اور اسرائیلی ان پر اعتماد کرتے تھے۔ | | | انہوں نے کم نظریاتی لوگوں کی حمایت حاصل کرنے کا فیصلہ کیا |
رابن کی وفات کی دسویں برسی کے موقع پر اسرائیل میں یہ بحث ہوتی رہی کہ اگر وہ موجود ہوتے تو اسرائیل کے حالات کیسے ہوتے۔ بہت سے لوگوں کا خیال تھا کہ حالات مختلف اور بہتر ہوتے کیونکہ وہ فلسطینیوں کے ساتھ بہتر شرائط پر مذاکرات کر سکتے تھے۔ کیا اگلے دس سال میں شیرون کے بارے میں بھی یہی بحث کی جائے گی؟ یہ آنے والے انتخابات کے نتائج اور اس کے بعد کے واقعات پر بھی منحصر ہو گا۔ شیرون اور ان کی نئی پارٹی قدیمہ اس وقت عوام میں مقبول تھی اور ایسا لگ رہا تھا کہ وہ اگلی حکومت بنائیں گے۔ ان کے اس اقدام کی ایک وجہ یہ بھی تھی کہ غزہ کے علاقوں سے یہودیوں کے انخلا کے مسئلے پر انہیں ان کی سابقہ پارٹی کی جانب سے مخالفت کا سامنا کرنا پڑا تھا۔ ان کو اس بات کا بھی احساس تھا کہ اسرائیلی فلسطین کے ساتھ معاملات کو آگے بڑھانا چاہتے ہیں اور اس کے لیے بہت سے حلقے ان پر اعتماد کرتے ہیں۔ انہوں نے ایک بہت اچھے سیاسی موقع کا فائدہ اٹھایا جو کہ اب بھی موجود ہے اور موجودہ نگران وزیر اعظم بھی اس سے فائدہ اٹھا سکتے ہیں۔ اس مقصد کے لیے سب سے پہلے انہیں اپنی پارٹی، لیکود کے سابقہ رہنماؤں اور سابق وزیر اعظم شیمون پیریز کو اپنی حمایت اور نامزدگی کے لیے آمادہ کرنا ہو گا۔ | 
شیرون: دماغ کا ایک اور آپریشن
