اسرائیل کمبل، ٹینٹ، ادویات اور خیمے پاکستان بھیجے گا

انہوں نے یہ بات جینیوا میں بین الاپارلیمانی یونین کے سالانہ اجلاس میں شرکت کے لیے آئے ہوئے اسرائیل کے نائب وزیر تعلیم مجالی وہابی سے ملاقات کے دوران کہی۔

یروشلم میں اسرائیلی نائب وزیرِ تعلیم نے کہا کہ امیر حسین نے اسرائیل کا شکریہ ادا کرتے ہوئے کہا کہ ’ہم یہ نہیں بھولیں گے کہ اسرائیل ان ممالک میں سے ایک ہے جنہوں نے سب سے پہلے مدد کی پیشکش کی تھی۔ ہم اس مشکل وقت میں اس کے اس اظہار پر بہت متاثر ہوئے ہیں‘۔

انہوں نے یہ بھی کہا کہ سپیکر قومی اسمبلی نے انہیں پاکستان آنے کی بھی دعوت دی تھی۔

اسرائیلی نائب وزیر نے کہا کہ پاکستانی سپیکر قومی اسمبلی نے انہیں کہا کہ ’ہم سمجھتے ہیں کہ ہم ایسی حالت میں ہیں جو کہ پاکستان اور اسرائیل کے درمیان براہ راست تعلقات قائم کرنے کے بہت قریب ہے‘۔

دریں اثناء اسرائیلی وزارتِ خارجہ کے ایک ترجمان نے کہا ہے کہ اسرائیل پاکستان کو ٹینٹ، ادویات، کمبل، اور کھانے پینے کی اشیاء بھیج رہا ہے۔ تاہم یہ اسرائیل سے براہ راست پاکستان نہیں بھیجی جائیں گی بلکہ یہ کسی دوسرے ملک کے ذریعے یا پھر کسی دوسری تنظیم کے ذریعے پاکستان پہنچیں گی۔