’مغرب دوہری پالیسیاں اپنا رہا ہے‘

انہوں نے دوسرے ممالک اور نجی کمپنیوں کو دعوت دی کہ وہ جوہری پروگرام میں ایران کی مدد کریں۔

انہوں نے مغربی ممالک پر دوہری پالیسیوں کا الزام لگایا اور کہا کہ جن ممالک نے خود جوہری ہتھیار بنائیں ہیں وہ دوسروں کو جوہری توانائی کے پرامن استعمال سے بھی روکنے کی کوشش کر رہے ہیں۔

انہوں نے کہا کہ ایران اپنے جوہری پروگرام میں دوسرے ممالک اور غیر ملکی کمپنیوں کو شامل کرنے کے لیے تیار ہے۔

پرطانوی وزیرِ خارجہ جیک سٹرا نے احمدی نژاد کی تقریر کو مایوس کن اور غیر مفید قرار دیا۔

اس سے قبل امریکی وزیرخارجہ ڈاکٹر کونڈالیزا رائس نے اقوام متحدہ میں تقریر کے دوران ایران پر الزام لگایا کہ وہ ایٹمی اسلحے کے پھیلاؤ کو روکنے کے لیے کی جانے والی عالمی کوششوں کے راستے میں رکاوٹ بن رہا ہے۔

اقوام متحدہ کی جنرل اسمبلی سے خطاب کے دوران انہوں نے ایران کو متنبہ کیا کہ اسے اپنی ایٹمی خواہشات ہمیشہ کے لیے ترک کرنا ہوں گی۔

کونڈولیزا رائس نے اجلاس سے خطاب کرتے ہوئے کہا کہ ’ایران جیسے ممالک جوہری عدم پھیلاؤ کے معاہدوں کو غیر موثر کر سکتے ہیں‘۔

اقوام متحدہ کے سیکرٹری جنرل نے جنرل اسمبلی کےافتتاحی اجلاس کے موقع پر ایٹمی اسلحہ اور دہشت گردی کے پھیلاؤ کے اندیشے کا اظہار کیا ہے۔

کوفی عنان نے کہا کہ دنیا کو جوہری پھیلاؤ اور تباہ کن دہشت گردی کا سامنا ہے۔ انہوں نے کسی ملک کا نام لیا۔