شیرون کے بیان سے جمہوری عمل متاثر ہو سکتا ہے

نیویارک میں صحافیوں سے بات کرتے ہوئے ان کا کہنا تھا کہ انہیں نہیں لگتا کہ اسرائیلی مدد کے بغیر فلسطین میں انتخابات کا انعقاد ممکن ہو سکے گا۔

انہوں نے یہ بھی کہا کہ انتخابات میں حماس کی شرکت کی صورت میں اسرائیل سڑکوں کی ناکہ بندی ختم کرنے اور حفاظتی چوکیوں کے خاتمے جیسے اقدامات منسوخ کر سکتا ہے۔

مرکزی فلسطینی مذاکرات کار صائب اراکات نے اسرائیل پر زور دیا ہے کہ وہ ان انتخابات سے دور رہے۔ ان کا کہنا تھا کہ اگر اسرائیل نے مداخلت شروع کی تو اس سے فلسطین میں جاری جمہوری عمل متاثر ہو گا۔

شیرون کے بیان پر حماس کے ترجمان کا کہنا ہے کہ انتخابات میں اسرائیلی مداخلت سے فلسطینی علاقے پر اسرائیلی جارحیت میں اضافہ ہوگا۔