متاثرہ ہوائی اڈوں میں لیکن ہیتھ کا اڈہ بھی شامل ہیں

بم حملوں کے بعد برطانیہ میں تعینات ہزاروں امریکی فوجیوں کی لندن آمد پر پابندی عائد کر دی گئی تھی۔ اس فیصلے کو اس بنیاد پر تنقید کا نشانہ بنایا گیا تھا کہ اس سے ایک ایسے وقت میں غلط تاثر ابھرے گا جب اس بات پر زور دیا جا رہے کہ لوگ معمول کے مطابق زندگی گزاریں۔

امریکی فوجیوں کو جن میں سے زیادہ تر رائل ائیر فورس ملڈین ہال اور رائل ائیر فورس لیکن ہیتھ، سفوک میں تعینات ہیں حکم ملا تھا کہ وہ لندن شہر کا احاطہ کرنے والی ایم 25 موٹر وے کے اندر نہ داخل ہوں۔

رائل ائیر فورس لیکن ہیتھ کے ترجمان سٹاف سارجنٹ جیف ہام نے کہا تھا کہ کیونکہ یہ بم حملے حال میں ہوئے ہیں لہذا ان کی وجوہات اور مزید حملوں کے خطرے کے بارے میں صورتحال غیر یقینی ہے۔ اور یہ ائیر فورس کے حق میں ہے کہ وہ اپنے سٹاف کی حفاظت کے بارے میں چوکس رہیں۔

ان فوجیوں کے قریبی خاندان والوں کو بھی لندن جانے سے گریز کرنے کی ہدایت کی گئی تھی۔

برطانیہ میں تعینات بارہ ہزار امریکی فوجیوں میں سے زیادہ تر میلڈن ہال اور لیکن ہیتھ میں ہیں۔