بولٹن کام کروا سکتے ہیں: صدر بش

ڈیموکریٹک پارٹی کے ارکان کا کہنا ہے کہ وہ تمام مطلوبہ خفیہ دستاویزات تک رسائی حاصل نہیں کر سکے۔

توقع ہے کہ اس معاملے پر ووٹنگ جون میں ہو گی۔ دو ہفتے قبل سینیٹ کی خارجہ تعلقات کی کمیٹی جان بولٹن کی حمایت کرنے میں ناکام ہو گئی تھی جس کے بعد اب حالیہ صورت حال سامنے آئی ہے۔

جان بولٹن پر مغرور اور تند مزاج ہونے کے الزامات ہیں۔

تاہم وائٹ ہاؤس کا کہنا ہے کہ جان بولٹن پر عائد کردہ الزامات بے بنیاد ہیں۔

صدر بش کی رائے میں جان بولٹن ’دو ٹوک‘ بات کرتے ہیں اور اسی لیے وہ ’اقوام متحدہ میں کام کروا سکتے ہیں۔‘

جان بولٹن کی نامزدگی پر ووٹنگ کے معاملے پر بحث جاری رکھنے کے حق میں 56 جبکہ اس کے خلاف 42 سینیٹروں نے ووٹ دیئے۔