 |  ویٹیکن میں پوپ کی صحت کے بارے خبر سننے کے لیے لوگ جمع ہیں۔ |
کیتھولک فرقے کے روحانی پیشوا پاپائے روم جان پال دوئم کی آخری رسومات کے لیے پیر کو ویٹیکن میں اجلاس ہوگا۔ نیا پاپائے روم چننے کی ذمہ داری رومن کیتھولک چرچ کے ایک سو سترا کارڈینل کی ہے۔ ان کارڈینل کے لیے ضروری ہے کہ وہ پاپائے روم کی وفات کے بعد بیس روز کے اندر ان کا جانشین منتخب کریں۔ جان پال دوئم ہفتے کو مقامی وقت کے مطابق 9:37 ( جی ایس ٹی7:37 ) پر دل اور گردوں کے کام بند کرنے کی وجہ سے وفات پا گئے۔ سینٹ پیٹرزبرگ میں جمع ہزاروں لوگ پوپ جان کے لیے دعا کر رہے ہیں۔ پولینڈ میں پیدا ہونے والے کیرول وجٹیا 1978 میں پوپ کے عہد ے پر فائز ہوئے۔ وہ اسقاط حمل اور ضبط تولید پر قدامت پسند خیالات کے حامی تھے۔
ویٹیکن نے پاپائے روم کی صحت کے بارے پوری دنیا کو باخبر رکھا اور تھوڑے تھوڑے وقفے سے ان کے صحت کے بارے میں بلیٹن جاری کرتے رہے۔ پاپائے روم جان پال دوئم فروری میں حلق کے آپریشن کے بعد پوری طرح صحت یاب نہیں ہوسکے اور انہیں خوراک ایک نالی کے ذریعے دی جا رہی تھی جس کے باعث انہیں بولنے میں بھی دشواری رہی۔ ویٹیکن میں ان کی صحت کے بارے میں جاری کیے جانے والے ایک بیان میں کہا گیا ہے کہ پیشاب کی نالی میں انفیکشن کی وجہ سے انہیں تیز بخار ہوگیا تھا۔ چوراسی سالہ پوپ کئی سال پارکنسن (فالج اور رعشے کے مرض) میں مبتلا رہے۔ ویٹیکن کے سینٹ پیٹر سکوائر میں پاپائے روم کے معتقدین کی ایک بہت بڑی تعداد جمع تھی جو ان کی موت کی خبر سن کر رونےلگے۔ کیتھولک فرقے کے ایک مذہبی رہنماء کے مطابق تقریباً تیس ہزار لوگ سکوائر میں موجود تھے۔ | 
یہ صفحہ دوست کو ای میل کیجیئے
پرِنٹ کریں
