افغانستان میں 40 فیصد رجسٹرڈ ووٹر خواتین ہیں

امریکہ میں قائم حقوق انسانی کی تنظیم ہیومن رائٹس واچ نے اپنی ایک رپورٹ میں کہا ہے کہ جن علاقوں میں طالبان کا غلبہ ہے وہاں بہت کم خواتین نے اپنے آپ کو ووٹنگ کے لیے رجسٹر کرایا ہے۔

رپورٹ کے مطابق ان انتخابی کارکنوں کو بھی دھمکیاں مل رہی ہیں جو خواتین کے مسائل اٹھانے کی کوشش کر رہے ہیں۔

افغانستان میں رجسٹرڈ ووٹروں کی کل تعداد 10.5 ملین ہے جس میں سے 40 فیصد خواتین ہیں۔

امریکی حکومت کا دعوٰی ہے کہ افغانستان میں طالبان حکومت کے خاتمے کے بعد خواتین کے حقوق بہتر ہوئے ہیں۔

ہومن رائٹس واچ کا کہنا ہے کہ ہفتے کو ہونے والے انتخابات میں بہت کم خواتین کے ووٹ ڈالنے کی امید ہے۔