مہاجرین میں انتخابی مواد تقسیم کیا جا رہا ہے

اقوامِ متحدہ کے مطابق ایران اور پاکستان میں رہنے والے افغان مہاجرین کل افغان ووٹوں کا دس فیصد ہیں۔

پاکستان میں رہنے والے 600,000 سے لے کر 800,000 تک افغان ووٹ ڈالنے کا حق رکھتے ہیں۔ اسی طرح ایران میں 600,000 کے قریب افغان ووٹر رہ رہے ہیں۔

حکام کے مطابق دونوں ممالک میں خصوصی پولنگ سٹیشن بنائے جا رہے ہیں۔

اطلاعات کے مطابق پشاور اور کوئٹہ میں پولنگ سٹیشنوں کے باہر افغان خواتین اور مرد لمبی لمبی قطاروں میں اپنا اندارج کروا رہے ہیں۔

ایک اندازے کے مطابق پاکستان میں تیس لاکھ کے نزدیک افغان پناہ گزین ہیں اور پاکستان کے مغربی علاقے میں جہاں پناہ گزینوں کی بڑی تعداد ہے 1,670 پولنگ سٹیشن قائم کیے جائیں گے۔

اندارج اتوار تک جاری رہے گا۔