 |  حملے کے نتیجے میں کئی لوگ موقع پر ہی ہلاک ہو گئے |
منگل کی صبح غزہ پر اسرائیلی حملے کے نتیجے میں کم از کم چودہ فلسطینی ہلاک اور متعدد زخمی ہوئے ہیں۔ بعد کی اطلاعات میں بتایا گیا ہے کہ زخمی ہونے والوں کی تعداد پچیس تھی جس میں ایک اور زخمی بعد میں زحموں کی تاب نہ لا کر چل بسا۔ چشم دید گواہوں کا کہنا ہے کہ غزہ شہر کے سپورٹس گراؤنڈ میں مسلسل کئی دھماکوں کی آوازیں سنی گئیں۔ اسرائیلی فوج نے اب تک اس بارے میں کچھ نہیں کہا لیکن موقع پر موجود لوگوں نے فضا میں اسرائیلی ہیلی کاپٹر کو پرواز کرتے ہوئے دیکھا۔ ان لوگوں کا کہنا ہے کہ سپورٹس گراؤنڈ میں رات کے وقت حماس کے ارکان سمیت فلسطینی نوجون تربیتی مشقیں کرتے تھے۔ بی بی سی کے نامہ نگار کا کہنا ہے کہ موقع پر ہولناک منظر تھا اور لاشوں کے اعضاء ادھر ادھر بکھرے ہوئے تھے۔ | 
یہ صفحہ دوست کو ای میل کیجیئے
پرِنٹ کریں
