 |  آزاد خاندان پر ماضی میں بھی حملے ہو چکے ہیں |
بھارت کے زیر انتظام کشمیر میں دستی بم کے ایک حملے میں چار پولیس والوں سمیت انیس افراد زخمی ہو گئے ہیں۔ پولیس نے بتایا کہ شدت پسندوں نے پلواما کے ایک مصروف بازار میں ایک پولیس پارٹی کو نشانہ بنایا تھا۔ سات زخمیوں کی حالت خطرناک ہے۔ کسی نے اس حملے کی ذمہ داری قبول نہیں کی۔ ادھر بھارت کے وزیر پارلیمانی امور غلام نبی آزاد کے بھائی محمد عباس آزاد شدت پسندوں کے ایک حملے میں بال بال بچ گئے۔ پولیس کے مطابق عباس آزاد جموں سے ایک سو نوے کلومیٹر شمال مشرق میں سروتی گاؤں میں اپنے محافظوں کے ساتھ جا رہے تھے کہ شدت پسندوں نے ان پر فائرنگ کر دی۔ حملے میں ان کا ایک محافظ زخمی ہو گیا۔ ماضی میں بھی آزاد خاندان کے افراد پر حملے ہو چکے ہیں۔ اس سے قبل بھارت کے زیر انتظام کشمیر میں نائب وزیر اعلیٰ منگت رام شرما پر بھی گرینیڈ حملہ ہو چکا ہے۔ تاہم وہ اس حملے سے بچ نکلنے میں کامیاب ہوگئے تھے۔ | 
یہ صفحہ دوست کو ای میل کیجیئے
پرِنٹ کریں
