حملے میں تین افراد ہلاک ہو گئے ہیں۔

اہلکاروں کا کہنا ہے کہ حملے میں ایک وزیر کے سیکرٹری سمیت تین افراد کے ہلاک ہونے کی اطلاع ہے۔ایک وزیر محمد شریف نیاز حملے میں زخمی ہو گئے ہیں۔

النصرین تنطیم نے واقع کی ذمہ داری قبول کی ہے۔

اطلاعات کے مطابق حملے میں اننتناگ ضلعے کے ڈیپٹی کمشنر اصغر سامون سمیت چالیس افراد بری طرح زخمی ہو گئے ہیں اور ان کی حالت تشویش ناک بتائی جاتی ہے۔

حملہ اس وقت ہوا جب مسٹر شرما، اور وزیر شریف نواز اور غلام احمد میر اننتناگ ضلعے کے کپرن گاؤں میں ایک تقریب میں شرکت کر رہے تھے۔ تقریب میں بڑی تعداد میں گاؤں والے شامل تھے۔

تقریب میں شامل نامہ نگاروں کا کہنا ہے کہ دھماکہ ڈائس پر ہی ہوا۔ ابھی تک یہ معلوم نہیں ہوا ہے کہ دھماکہ گرینیڈ کی وجہ سے ہوا یا ڈائس میں بم پہلے سے رکھا گیا تھا۔