نجف میں شدید لڑائی ہو رہی ہے

دوسری طرف نجف کے بڑے قبرستان میں امریکی فوج اور مقتدیٰ الصدر کے حامیوں میں شدید لڑائی ہوئی ہے اور امریکی ذرائع کا کہنا ہے 50 کے قریب مزاحمتی ہلاک کر دیے گئے ہیں۔

بغداد میں بھی الصدر کے 20 کے قریب حامیوں کی ہلاکت کی اطلاع ہے۔

امریکی ٹینک اور گن شپ ہیلی کاپٹر مہدی آرمی پر حملے کرتے رہے جس کا جواب انہوں نے راکٹ اور مارٹروں سے دیا۔

الصدر کے ترجمان شیخ قیس الغزالی نے کہا کہ 500 مربع فٹ کا قبرستان زندوں اور مردوں دونوں کے لئے ہی قربان گاہ بن گیا ہے۔

انہوں نے آزاد ذرائع سے کہا کہ وہ خود آ کر وہاں ہونے والے قتلِ عام کا اندازہ لگائیں۔

امریکی ذرائع کے مطابق گرفتار ہونے والے النوری اعتدال پسند رہنما عبدالمجید الخوئی کے قتل میں مطلوب ہیں اور انہیں عراقی حکام کے حوالے کر دیا جائے گا۔

مہدی آرمی نے اتحادی فوج کے خلاف اس سال اپریل میں اعلانِ جنگ کیا تھا۔