بھارت کی ریاست بہار میں طوفان سے 32 افراد ہلاک
،تصویر کا ذریعہrajesh mishra
بھارت کی شمال مشرقی ریاست بہار کے کوسی علاقے میں آنے والے طوفان میں کم از کم 32 افراد ہلاک ہو گئے ہیں۔
حکام کا کہنا ہے کہ متعدد افراد زخمی بھی ہوئے ہیں۔
بہار میں ڈیزاسٹر مینجمنٹ محکمے کے سینئر افسر ویپن کمار رائے نے بی بی سی سے بات چیت میں اس کی تصدیق کی ہے۔
ان کے مطابق 25 افراد پورنیہ ضلعے میں، چھ افراد مدھیہ پورہ میں جبکہ ایک شخص کی موت مدھوبنی ضلعے میں ہوئی ہے۔
انھوں نے ہلاکتوں میں اضافے کا خدشہ ظاہر کیا ہے۔ انہوں نے بتایا کہ دور دراز کے علاقوں سے اطلاعات ملنے میں تاخیر ہو رہی ہے۔
اور اسی وجہ سے طوفان سے ہونے والی تباہی کا مجموعی اندازہ لگانا فی الحال مشکل ہے۔
ڈیزاسٹر مینجمنٹ کے محکمے کے حکام کے مطابق جو اضلاع اس طوفان سے شدید طور پر متاثر ہوئے ان میں مدھیہ پورہ، پورنیہ، سہرسہ، سوپول، کشن گنج، کٹیہار، دربھنگہ اور مدھوبنی شامل ہیں۔
یہ دریائے کوسی کا علاقہ ہے جو اکثروبیشتر سیلاب کی زد میں ہوتا ہے۔
End of سب سے زیادہ پڑھی جانے والی
چند سال قبل وہاں آنے والے سیلاب میں بڑی تعداد میں جان و مال کا نقصان ہوا تھا۔
