عزیزاللہ خان بی بی سی اردو ڈاٹ کام، کوئٹہ

	گولی مار چوک پر فرنٹییر کور کے اہلکار حفاظتی انتطامات کے لیے تعینات تھے

کوئٹہ میں پولیس اہلکاروں نے بتایا ہے کہ گولی مار چوک پر فرنٹییر کور کے اہلکار حفاظتی انتطامات کے لیے تعینات تھے کہ نامعلوم افراد نے ان پر دستی بم پھینکا جس سے ایف سی کے دو اہلکار اور ایک شہری زخمی ہوئے ہیں۔ زخمیوں کو ہسپتال پہنچا دیا گیا ہے۔

اس کے علاوہ مستونگ میں ایک بیکری کے قریب دھماکے سے ایک شخص زخمی ہوا ہے جسے علاج کے لیے کوئٹہ ہسپتال روانہ کر دیا گیا ہے۔

مستونگ کے ضلعی پولیس افسر ملک ارشد کے مطابق نامعلوم افراد نے ایک پٹاخہ پھینکا جس سے کشمیر سے تعلق رکھنے والا ایک شخص زخمی ہوا۔ انھوں نے کہا کہ حملہ آوروں کی گرفتاری کے لیے کوششیں کی جا رہی ہیں۔

ان حملوں کی ذمہ داری تاحال کسی نے قبول نہیں کی ہے۔