دلاور خان وزیر بی بی سی اردو ڈاٹ کام، پشاور

	بم ایک سائیکل میں نصب تھا: پولیس

پولیس کے ایک افسر نے بی بی سی کو بتایا کہ یہ طاقتور دھماکہ پیر کو ڈیرہ سرکیولر روڈ پر ٹاؤن کمیٹی حال کے سامنے ہوا۔

انہوں نے کہا کہ بم ایک سائکل میں نصب تھا جو پہلے سے نامعلوم افراد نے ٹاون کمیٹی چوک میں رکھی تھی۔ پولیس اہلکار کے مطابق ہلاک ہونے والوں میں عام راہ گیر شامل ہیں۔

مزید تفتیش کے لیے سائیکل کے ٹکڑوں کا معائنہ کیا جا رہا ہے۔

پولیس کے مطابق دھماکے میں چند سائکل رکشے اور دوکانوں کے سامنے رکھا ہوا کچھ سامان تباہ ہوگیا ہے لیکن عمارتوں کو کوئی نقصان نہیں پہنچا ہے۔

اس سے پہلے بھی ڈیرہ اسماعیل میں بم دھماکے اور خودکش حملے ہوچکے ہیں جس میں بظاہر سکیورٹی اہلکار یا اہل تشیع کے لوگ نشانہ تھے۔ لیکن یہ پہلی بار ہے کہ ایک عام چوک میں دھماکہ کیاگیا ہے۔