عزیزاللہ خان بی بی سی اردو ڈاٹ کام کوئٹہ

	حملے کی ذمہ داری تاحال کسی نے قبول نہیں کی

کوئٹہ میں ریلوے حکام نے بتایا ہے کہ دھماکہ نوشکی کے قریب گلنگور کے مقام پر ہوا ہے لیکن نہ تو کسی ریل گاڑی نے تفتان جانا تھا اور نہ ہی کوئی گاڑی کوئٹہ آ رہی تھی۔

حکام کے مطابق واقعہ کی تحقیقات کے لیے ٹیم روانہ کر دی گئی ہے۔ اس حملے کی ذمہ داری تاحال کسی نے قبول نہیں کی ہے۔

نوشکی کے قریب کوئٹہ اور ایران کی سرحد پر واقعہ بلوچستان کے شہر تفتان تک مہینے میں دو مرتبہ مسافر گاڑی چلتی ہے۔

یاد رہے دو ہفتے قبل بلوچستان کے شہر نصیر آباد اور سبی کے قریب ایک ہفتے کے دوران پانچ مرتبہ مختلف ریل گاڑیوں پر حملے کیے گئے تھے جس میں ایک فائر مین ہلاک اور نو افراد زخمی ہو گئے تھے۔ فائر مین کی ہلاکت کے بعد ریلوے ملازمین نے سخت احتجاج کیا تھا۔

ان حملوں کی ذمہ داری اپنے آپ کو کالعدم تنظیم بلوچ ریپبلکن آرمی کا ترجمان ظاہر کرنے والے سرباز بلوچ نامی شخص نے ٹیلیفون پر قبول کی تھی۔