عزیزاللہ خان بی بی سی اردو ڈاٹ کام، کوئٹہ

	دھماکے میں فرنٹیئر کور کا ایک اہلکار زخمی ہوا ہے(فائل فوٹو)

نیم فوجی دستے کے اہلکاروں نے دھماکے کے بعد ہوائی فائرنگ بھی کی ہے۔

خضدار کے پولیس افسر غلام علی لاشاری نے بتایا ہے کہ ایک موٹر سائیکل مکینک کی دکان کے پاس کھڑی ایک موٹرسائیکل میں اس وقت دھماکہ ہوا جب فرنٹیئر کور اور پولیس کے اہلکار گشت کر رہے تھے۔

انہوں نے کہا کہ ایف سی کا ایک اہلکار اور ایک مبینہ حملہ آور سمیت تین افراد زخمی ہوئے ہیں جنہیں سی ایم ایچ لے جایا گیا ہے۔ ادھر سول ہسپتال خضدار سے ڈاکٹروں نے بتایا ہے کہ ان کے پاس ایک بچے سمیت معمولی نوعیت کے چھ زخمی لائے گئے ہیں۔ اس واقعہ کے بعد علاقے میں سخت کشیدگی پائی جاتی ہے۔

اس کے علاوہ کوئٹہ سمیت بلوچستان کے تمام اضلاع میں محرم کے حوالے سے سخت حفاظتی انتظامات کیے گئے ہیں اور اب تک کہیں سے کوئی ناخوشگوار واقعہ کی اطلاع نہیں ہے۔