عبادالحق بی بی سی اردو ڈاٹ کام، لاہور

	’انتہا پسندی کو روکنا خود پاکستان کے مفاد میں ہے، ایسا کرنا کسی پر احسان نہیں ہے‘

انہوں نے یہ بات جمعہ کی رات سیاسی اور دینی جماعتوں کے ایک مشترکہ اجلاس کے بعد میڈیا سے بات کرتے ہوئے کہی۔ شہباز شریف نے پاک بھارت کشیدگی اور موجودہ صورت حال پرغور کرنے کے لیے ایک اجلاس کا اہتمام کیا تھا جس میں سیاسی اور دینی جماعتوں کے قائدین نے شرکت کی۔

بھارت پر الزام  پاکستان دنیا میں دہشت گردی کی حمایت نہیں کرتا ہے بلکہ پاکستان تو وہ ملک ہے جو خود دہشت گردی کا شکار ہے ۔ان کے بقول پاکستان میں بلوچستان میں حالات خراب کرنے میں بھارت سمیت بیرونی ہاتھ ملوث ہے شہباز شریف

شہباز شریف نے میڈیا کو بتایا کہ ممبئی دھماکوں کے بعد بھارت کو اقوام متحدہ سے رجوع کرنے کے بجائے حکومت پاکستان سے بات کرنی چاہیے تھی اور بقول ان کے بھارت کی طرف سے ٹھوس ثبوت پیش کیے جاتے۔

انہوں نے کہا کہ پاکستان دنیا میں دہشت گردی کی حمایت نہیں کرتا ہے بلکہ پاکستان تو وہ ملک ہے جو خود دہشت گردی کا شکار ہے ۔ان کے بقول پاکستان میں بلوچستان میں حالات خراب کرنے میں بھارت سمیت بیرونی ہاتھ ملوث ہے۔

ان کا کہنا ہے کہ پاکستان کا یہ فرض ہے کہ دنیا کے ہر کونے میں یہ بات اٹھائی جائے کہ سمجھوتہ ایکسپریس کے حادثے کا ذمہ دار بھارتی فوج کا حاضر سروس کرنل ہے اور کوئی الزام نہیں بلکہ ایک اٹل حقیقت ہے۔

وفاقی حکومت سے تعاون  اس بات پر مکمل اتفاق ہے کہ پاکستان کے وسیع تر مفاد میں وفاقی حکومت کے ساتھ تعاون کرنا ہوگا اور کسی بھی ایسے اقدام سے گریز کیا جائے گا جس سے کشیدگی پیدا ہو شہباز شریف

شہباز شریف نے بتایا کہ سیاسی اور دینی جماعتوں کے مشترکہ اجلاس میں اس بات پر مکمل اتفاق ہے کہ پاکستان کے وسیع تر مفاد میں وفاقی حکومت کے ساتھ تعاون کرنا ہوگا اور کسی بھی ایسے اقدام سے گریز کیا جائے گا جس سے کشیدگی پیدا ہو۔

پنجاب کے وزیر اعلیْ کا کہنا ہے کہ پاکستان میں انتہا پسند کو روکنا خود پاکستان کے مفاد میں ہے اور ایسا کرنا کسی پر احسان نہیں ہے۔