دلاور خان وزیر بی بی سی اردو ڈاٹ کام ڈیرہ اسماعیل خان

	اس علاقے میں پہلے بھی سرحد پار سے حملے ہوئے ہیں

اس واقعہ کے بعدانگوراڈاہ کے قریب مقامی طالبان نے پاکستانی سکیورٹی فورسز کے ایک چیک پوسٹ پر حملہ کیا ہے جس کے نتیجہ میں کسی جانی نقصان کی اطلاع نہیں ملی ہے۔

البتہ انگوراڈاہ بازار غیر اعلانیہ طور بند ہوگیا اور سکیورٹی فورسز نے دس مقامی لوگوں کو شک کی بنیاد پر گرفتار کیے ہیں۔

انگور اڈاہ سے ملنے والی اطلاعات کے مطابق پیر کی صبح چار بجے کے قریب انگوراڈاہ کے قریب پہاڑی سلسلوں میں مارٹر کے اسی گولے گرے ہیں۔

مقامی لوگوں کے مطابق یہ تمام گولے افغان سرحد کے اس پار سے فائر کیے گئے ہیں۔مقامی لوگوں کے مطابق دو گولے محمد علی نامی ایک قبائل کے مکان پر گرے ہیں۔جس کے نتیجہ میں ایک خاتون سمیت ایک پانچ سالہ بچہ ہلاک ہوگیا ہے۔

ایک گولہ بازار کے قریب ایک گاڑی پر لگی ہے جس سے گاڑی مکمل طور پر تباہ ہوگئ ہے۔

مقامی انتظامیہ نے تصدیق کرتے ہوئے بی بی سی کو بتایا کہ مارٹر گولے گرنے کے بعد انگوراڈاہ کے قریب مقامی طالبان نے ایک پاکستانی چیک پوسٹ پر راکٹ اور خود کار ہیھتاریوں سے حملہ کیا جس کے نتیجہ میں کسی جانی نقصان کی اطلاع نہیں ملی ہے۔

انہوں نے کہا کہ پیر کی صبح انگوراڈاہ بازار حوف کی وجہ سے غیر اعلانیہ طورپر بند ہوگیا اور اکثر لوگ گھروں میں محصور ہوگئے تھے۔انہوں نے کہا کہ سکیورٹی فورسز نے کاروائی کرتے ہوئے انگوراڈاہ کے قریب سے دس مشکوک افراد کو گرفتار کرلیا ہے۔

یادرہے گزشتہ کچھ عرصہ کے دوران امریکہ نے جنوبی وزیرستان پر کئ بڑے بڑے میزائل حملے کرچکے ہیں۔جس میں وانا کے قریب شاہ نواز کوٹ؛اعظم ورسک کے قریب زیڑئی لیٹہ اور انگوراڈاہ کے قریب باغڑ کے واقعات میں چالیس سے زیادہ لوگ ہلاک ہوگئے تھے۔باغڑ کے حملے کے بعد مقامی طالبان نے بدلہ لینے کا اعلان کیا تھا۔