عبادالحق بی بی سی اردو ڈاٹ کام، لاہور

	اس معاملے کو کارروائی کے لیے لاہور ہائی کورٹ جسٹس مولوی انوار الحق کے روبرو جمعہ کی صبح پیش کیے جانے کا حکم

پرویز اور فضل کے وارنٹ گرفتاری

چیف جسٹس نے یہ نوٹس جمعرات کے قومی اخبارات میں ان رہنماؤں کے وارنٹ گرفتاری کے خبروں کی اشاعت کے بعد لیا ہے۔

لاہور کی ایک مقامی عدالت نے بدھ کے روز ایک سرکاری ہسپتال کے ڈاکٹر کی درخواست پر پرویز الٰہی اور مولانا فضل الرحمٰن سمیت سابق حکومت کے چند اعلٰی حکام کے وارنٹ گرفتاری جاری کیے تھے۔

چیف جسٹس نےحکم دیا ہے کہ اس معاملے کو کارروائی کے لیے لاہور ہائی کورٹ جسٹس مولوی انوار الحق کے روبرو جمعہ (اٹھارہ جولائی)کی صبح پیش کیا جائے۔

واضح رہے کہ ڈاکٹر مقصود نے مقامی عدالت میں دائر کردہ درخواست میں یہ موقف اختیار کیا ہے کہ پرویز الٰہی اور صوبائی حکومت کے حکام نے ان کے خلاف زلزلہ متاثرہ لڑکی سے مبینہ زیادتی کا جھوٹا مقدمہ درج کرایا تھا۔ جبکہ مولانا فضل الرحمٰن پر اس معاملے میں بیان بازی کرنے اور مدعی کی ساکھ کو نقصان پہنچانے کا الزام عائد کیا ہے۔