شاہ محمود قریشی امریکہ کے ساتھ حالیہ کشیدگی کے پس منظر میں واشنگٹن گئے تھے

جوہری معاملے پر مزید تفتیش نہیں ہو گی

شاہ محمود قریشی نے کہا کہ افغانستان کی سرحد سے ملحقہ پاکستان کے قبائلی علاقے میں کافی بڑی تعداد میں پاکستانی فوجی تعینات ہیں جو شدت پسندوں کے خلاف کارروائیوں میں مصروف ہیں۔

پاکستانی وزیر خارجہ کا یہ بیان پاکستان کے قبائلی علاقے یا جسے عالمی ذرائع ابلاغ میں شدت پسندوں کی ’محفوظ جنت‘ بھی کہا جاتا ہے میں امریکی فوج کی طرف سے براہ راست کارروائی کرنے کے امکانات کے بارے میں قیاس آرائیاں بڑھتی جا رہی ہیں۔

پاکستان اور امریکہ کے درمیان تعلقات گزشتہ مہینے پاکستان سرحد کے قریب ایک فوج چوکی پر امریکی حملے میں گیارہ فوجیوں کی ہلاکت کے بعد سے دباؤ کا شکار ہیں۔