دلاور خان وزیر بی بی سی اردو ڈاٹ کام، ڈیرہ اسماعیل خان

	ٹانک میں ڈاکے اور چوری کی وارداتیں ایک معمول تھی لیکن مقامی طالبان کے آنے کے بعد سے اس میں کمی واقعہ ہوئی تھی

پولیٹکل انتظامیہ کا کہنا ہے کہ رات کے وقت نامعلوم افراد نے چوکی کی چاردیواری میں بارودی مواد نصب کیا جو ایک زوردار دھماکے ساتھ پھٹ گیا جس کے نتیجے میں چوکی مکمل طور پر تباہ ہو گئی۔ دھماکے میں کوئی جانی نقصان نہیں ہوا ہے۔

قبائلی علاقے جنوبی وزیرستان سے ملحقہ ضلع ٹانک میں مقامی لوگوں اور ڈاکوؤں کے درمیان فائرنگ کے نتیجے میں دو ڈاکوؤں سمیت چار افراد ہلاک ہوگئے

ٹانک میں پولیس کا کہنا ہے کہ منگل کو شہر سے کوئی پندرہ کلومیٹر دور شمال کی جانب علاقہ پائی میں بدنام زمانہ ڈاکوؤں چیئنہ نے اس وقت گاؤں کے کچھ لوگوں پر فائرنگ کی جب وہ علاقے سے مویشی چوری کرنے کی کوشش کر رہے تھے۔ پولیس کے مطابق ڈاکوؤں کی فائرنگ سے سیف اللہ اور سلیم موقع ہی پر ہلاک ہوگئے اس کے بعد گاؤں کے لوگوں نے ڈاکوؤں پر حملہ کیا جس کے نتیجے میں دو ڈاکو بھی ہلاک ہوگئے۔ ہلاک ہونے والے ڈاکوؤں میں چیئنہ اور میرانشاہ شامل ہیں۔
ٹانک کے بعض لوگوں کا کہنا ہےکہ ٹانک میں مقامی طالبان کے آنے سے پہلے ڈاکے اور چوری کی وارداتیں ایک معمول بن گئی تھی لیکن مقامی طالبان کے آنے کے بعد اس میں کمی واقع ہوئی ہے۔ ضلع ٹانک کے علاوہ جنوبی وزیرستان اور شمالی وزیرستان میں کئی بار جرائم پیشہ لوگوں کو گولیاں مار کرہلاک کیا گیا ہے۔