عبدالحئی کاکڑ بی بی سی اردوڈاٹ کام، پشاور

	سرحد اور بلوچستان کے وہ اضلاع انتہائی پسماندہ اور غریب ہیں جہاں پر افغان پناہ گزینوں نےگزشتہ تین دہائیوں سے قیام کیا ہے

پناہ گزینوں کے عالمی دن کے موقع پر جاری ہونے والے ایک بیان میں اقوام متحدہ کے ادارے برائے پناہ گزین کا کہنا ہے کہ پاکستان نےگزشتہ تین دھائیوں سے مہاجرین بالخصوص افغانوں کی میزبانی کر کے پوری دنیا میں مہمان نوازی کی ایک عظیم مثال قائم کردی ہے۔

بیان کے مطابق ادارے نے سال دو ہزار سات میں ایک سو پچاس ممالک کا جو سروے کیا تھا اس میں پاکستان پناہ گزینوں کی میزبانی کرنے والوں میں سر فہرست تھا جس نے آج بھی افغانوں کو اپنی زمین پر پناہ دے رکھی ہے۔

پناہ گزینوں کی تعداد  عراق میں جاری تشدد کی وجہ سے پناہ گزین اور بے گھر ہونے والے افراد کی تعداد نو اعشاریہ نو ملین سے بڑھ کر گیارہ اعشاریہ چار ملین ہوگئی ہے جبکہ بے گھر ہونے والے افراد، پناہ گزین اپنے وطن لوٹنے والے افراد کو ملا کر اقوام متحدہ اس وقت اکتیس اعشاریہ چار ملین افراد کی دیکھ بھال کر رہی ہے۔

ادارے کا مزید کہنا ہے کہ عراق میں جاری تشدد کی وجہ سے پناہ گزین اور بے گھر ہونے والے افراد کی تعداد نو اعشاریہ نو ملین سے بڑھ کر گیارہ اعشاریہ چار ملین ہوگئی ہے جبکہ بے گھر ہونے والے افراد، پناہ گزین اپنے وطن لوٹنے والے افراد کو ملا کر اقوام متحدہ اس وقت اکتیس اعشاریہ چار ملین افراد کی دیکھ بھال کر رہی ہے۔

پاکستان سے دو ہزار دو سے افغانوں کی رضاکارانہ طور پر وطن واپسی کے پروگرام کے تحت تین اعشاریہ تین ملین افراد کی واپسی کے باوجود ملک میں افغان پناہ گزینوں کے 84 کیمپوں میں اور باہر تقریباً دو بیس لاکھ افراد رہائش پذیر ہیں۔