ہارون رشید بی بی سی اردو ڈاٹ کام، اسلام آباد

	اٹھائیس جون کو بار آئندہ کا لائحہ عمل تیار کرے گا: بار کونسل

بار کونسل کے نائب چیئرمین حاجی سید رحمان نے صحافیوں کو بتایا کہ اٹھائیس جون کو بار کے اجلاس میں لانگ مارچ کی کمزوریوں اور خامیوں کا جائزہ لیا جائے گا اور آئندہ کا لائحہ عمل تیار کرے گا۔

البتہ حامد خان نے اعتراف کیا کہ وکلاء قیادت میں ایک دن کے دھرنے کی ان کے درمیان انڈرسٹینڈنگ تھی لیکن بہرحال بعد میں چند ساتھیوں نے اس کے خلاف فیصلہ دیا کہ یہ جاری رکھنا مشکل ہوگا۔

تاہم بار کونسل کا کہنا تھا کہ ان کا معزول ججوں کی بحالی کے لیئے جاری روزانہ ایک گھنٹے کا ٹوکن عدالتی بائیکاٹ اور جعمرات کو مکمل ہڑتال کا ہفتہ وار احتجاجی پروگرام جاری رہے گا۔

وکلاء قیادت میں ایک دن کے دھرنے کی ان کے درمیان انڈرسٹینڈنگ تھی لیکن بہرحال بعد میں چند ساتھیوں نے اس کے خلاف فیصلہ دیا کہ یہ جاری رکھنا مشکل ہوگا۔ حامد خان

بار کونسل نے حکومت سے ان افراد کو باہر کا راستہ دکھانے کا مطالبہ کیا۔

حاجی سید رحمان نے مجوزہ آئینی پیکج کو مسترد کرتے ہوئے کہا کہ ججوں کی بحالی کا آئینی پیکج سے کوئی تعلق نہیں اور جج وعدے کے مطابق قومی اسمبلی کی ایک قرار داد اور ایگزیکوٹیو آڈر سے بحال ہوسکتے ہیں۔

بار کونسل نے پاکستان بھر اور کشمیری وکلاء سے اتحاد برقرار رکھنے کی اپیل کرتے ہوئے انہیں ایک طویل جدو جہد کے لیے ذہنی اور جسمانی طور پر تیار رہنے کی ہدایت دی۔ انہوں نے لانگ مارچ کی کامیابی پر وکلاء کا شکریہ ادا کیا۔

پاکستان بار کونسل نے اگلے اجلاس میں پاکستان بھر کے وکلاء کی نمائندہ کانفرنس کی تاریخ کے تعین کا بھی فیصلہ کیا۔