پورے سندھ میں دباؤ ہے، لاؤڈ سپیکر کی بھی اجازت نہیں: وکیل رہنماء

معزول ججوں کی بحالی کے لیے وکلاء کا لانگ پیر کے روز سکھر سے ملتان کے لیے روانہ ہو رہا ہے۔ کوئٹہ اور کراچی سے آئے ہوئے وکلاء کے وفود نے رات سکھر میں قیام کیا اور اپنی تقاریر میں ججوں کی بحالی اور صدر کےمواخذےکامطالبے کیا۔

وکلاء لانگ مارچ کا آغاز

اسلام آباد کی طرف لانگ مارچ

لانگ میں شریک ہونے کے لیے وکلاء رات گئے سکھر پہنچنا شروع ہو گئے تھے۔ قافلوں میں خواتین بھی شریک تھیں۔

کم پذیرائی کیوں؟  سندھ میں لانگ مارچ میں زیادہ جوش نظر نہیں آیا۔ بعض مبصرین اس کی وجہ پیپلزپارٹی کی غیر اعلانیہ مخالفت سمجھتے ہیں۔ سندھ کے وزیر قانون ایاز سومرو لاڑکانہ بار کے صدر ہیں۔ اسی طرح دیگر سرگرم وکلاء رہنماوں کو سرکاری عہدوں پر تعینات کیا گیا ہے جس کی وجہ سے صوبے میں لانگ مارچ کو توقع سے کچھ پذیرائی حاصل ہوئی نمائندہ بی بی سی نامہ نگار نثار کھوکر

سکھر بار ایسوسی ایشن کے صدر شبیر شر نے بتایا کہ سندھ اور بلوچستان سے تقریباً آٹھ سو سے ایک ہزار تک وکیل سکھر پہنچے ہیں۔ وکلاء کی کم تعداد کے بارے میں ایک سوال کے جواب میں انہوں نے کہا کہ شدید گرمی ایک بڑی وجہ ہے، لیکن پھر بھی سکھر میں شرکاء کی تعداد ان کی توقعات کے مطابق ہے۔ انہوں نے کہا وہاں درجہ حرارت پچاس ڈگری سنٹی گریڈ سے زیادہ ہے۔

انہوں نے گہما گہمی نہ ہونے کے تاثر کو رد کرتے ہوئے کہا کہ پورے شہر میں دیکھا جا سکتا ہے اور خاص طور پر ہائی کورٹ کے قریبی علاقے میں لوگوں کی بڑی تعداد نظر آ رہی ہے۔ انہوں نے کہا کہ شہر میں داخلے کے بعد وکلاء کا زبردست استقبال ہوا اور ان پر پھول پھینکے گئے۔

انہوں نے کہا کہ سکھر سے روانے ہونے والے وکلاء کی تعداد ایک ہزار سے لے کر پندرہ سو تک ہوگی اور سول سوسائٹی کے ارکان اور دیگر طبقات کی شمولیت کے بعد یہ تعداد ہزاروں تک پہنچ سکتی ہے۔ انہوں نے کہا پنجاب کی چھوٹی بار میں بھی وکلاء کی تعداد سات آٹھ سو تک ہوتی جو سندھ کے مقابلے میں زیادہ اس لیے آگے بڑھتے ہوئے لانگ مارچ کے شرکاء میں اضافہ ہوگا۔

لانگ مارچ کے شرکاء  سکھر سے روانے ہونے والے وکلاء کی تعداد ایک ہزار سے لے کر پندرہ سو تک ہوگی اور سول سوسائٹی کے ارکان اور دیگر طبقات کی شمولیت کے بعد یہ تعداد ہزاروں تک پہنچ سکتی ہے۔ انہوں نے کہا پنجاب کی چھوٹی بار میں بھی وکلاء کی تعداد سات آٹھ سو تک ہوتی جو سندھ کے مقابلے میں زیادہ اس لیے آگے بڑھتے ہوئے لانگ مارچ کے شرکاء میں اضافہ ہوگا صدر سکھر بار شبیر شر

امداد اعوان نے اپنی مشکلات کا ذکر کرتے ہوئے کہا کہ یہاں کسی نے برف تک نہیں دی اور وہ اپنے زور پر چل رہے ہیں۔

بی بی سی کے نامہ نگار نثار کھوکھر نے بتایا کہ معزول ججوں کی بحالی کے لیے سندھ میں لانگ مارچ میں زیادہ جوش نظر نہیں آیا۔ بعض مبصرین اس کی وجہ پیپلزپارٹی کی غیر اعلانیہ مخالفت سمجھتے ہیں۔ سندھ کے وزیر قانون ایاز سومرو لاڑکانہ بار کے صدر ہیں۔ اسی طرح دیگر سرگرم وکلاء رہنماوں کو سرکاری عہدوں پر تعینات کیا گیا ہے جس کی وجہ سے صوبے میں لانگ مارچ کو توقع سے کچھ کم پذیرائی حاصل ہوئی۔