ریاض سہیل بی بی سی اردو ڈاٹ کام، کراچی

	آصف علی زرداری سندھ میں دائر تمام مقدمات سے بری ہوچکے ہیں

یہ مقدمہ سندھ ہائی کورٹ کے جسٹس بن یامین خان کی عدالت میں زیر سماعت تھا جنہوں نےگزشتہ سماعت کے موقعے پر فیصلہ محفوظ کرلیا تھا۔

آصف علی زرداری کے وکیل عدنان کریم کا مؤقف تھا کہ زرداری پر یہ مقدمہ سیاسی بنیادوں پر دائر کیا گیا ہے اور اس کا حقیقت سے کوئی تعلق نہیں ہے۔ انہوں نے کہا کہ مقدمے کے ایک اہم افسر کو عدالت پہلے ہی بری کر چکی ہے۔

صرف ایک باقی  صدر پرویز مشرف کی جانب سے جاری کیئے گئے قومی مفاہمتی آرڈیننس کے تحت اندرون ملک اور بیرون ملک بدعنوانی کے مقدمات کا پہلے ہی خاتمہ ہوچکا ہے اب ان پر صرف لاہور میں ایک منشیات کا مقدمہ زیر سماعت ہے

واضح رہے کہ آصف علی زرداری سندھ میں دائر تمام مقدمات سے بری ہوچکے ہیں جن میں میر مرتضیٰ بھٹو، جسٹس ریٹائرڈ نظام اور عالم بلوچ قتل کیس بھی شامل ہیں۔

صدر پرویز مشرف کی جانب سے جاری کیئے گئے قومی مفاہمتی آرڈیننس کے تحت اندرون ملک اور بیرون ملک بدعنوانی کے مقدمات کا پہلے ہی خاتمہ ہوچکا ہے اب ان پر صرف لاہور میں ایک منشیات کا مقدمہ زیر سماعت ہے۔