ذوالفقار علی بی بی سی اردو ڈاٹ کام، مظفرآباد

	’اس وقت دنیامیں تنازعات کے حل کے لیے مذاکرات کو ہی ذریعہ بنایا جارہا ہے اور یہ اچھی روایت ہے‘

پاکستان میں پیپلز پارٹی کی قیادت میں بننے والی مخلوط حکومت کے قیام کے بعد یہ وزیر اعظم کا پاکستان کے زیر انتظام کشمیر کا پہلا دورہ ہے۔

مظفرآباد میں قانون ساز اسمبلی اور کشمیر کونسل یعنی ایوان بالا کے مشترکہ اجلاس سے خطاب کرتے ہوئے وزیر اعظم یوسف رضا گیلانی نے کہا کہ’جموں کشمیر کے لوگوں نے اپنے پیدائشی حق، خق خودارادیت کے لیے عظیم قربانیاں پیش کیں اور کر رہے ہیں‘۔

کشمیر میں سیاحت  ہم یہ بھی چاہیں گے کشمیر کے دونوں حصوں کے درمیان تجارت اور سیاحت بھی شروع کی جائے اور یہ کہ زندگی کے تمام شعبہ جات سے تعلق رکھنے والے کشمیریوں کو ایک دوسرے سے ملنے بیٹھنے کے مواقع فراہم ہونے چاہیں یوسف رضا گیلانی

انہوں نے کہا کہ’ کشمیریوں کی جدو جہد کی صداقت بالکل واضع ہے اور یہ کہ یہ جدو جہد کسی کے خلاف نہیں بلکہ اقوام عالم نے ان سے حق خود ارادیت کا جو وعدہ کیا تھا وہ اس کا ایفا چاہتے ہیں‘۔انہوں نے کہا کہ’یہ حق کی بات ہے اور کشمیریوں کو یہ حق ملنا چاہیے‘۔

انہوں نے کہا کہ’پاکستان کشمیر کے تنازعے پر بھارت کے ساتھ بامقصد اور نتیجہ خیز مذاکرات چاہتا ہے اور یہ کہ ہمیں امید ہے کہ دونوں ملکوں کے درمیان سیاسی اور جامعہ مذاکرات کا عمل کسی بہتر نتیجے پر پہنچے گا‘۔ ساتھ ہی انہوں نے کہا کہ ’ہمیں کشمیریوں کی خواہشات زیادہ عزیز ہیں‘۔

یوسف رضا گیلانی نےکہا کہ ’مقبوضہ کشمیر( بھارت کے زیر انتظام کشمیر) میں انسانی حقوق کی خلاف ورزیوں کا خاتمہ ہونا چاہیے تا کہ فضا زیادہ ساز گار ہوسکے‘۔

فائربندی  پاکستان نے نوممبر دو ہزار تین میں جموں کشمیر میں لائن آف کنڑول پر یکطرفہ طور پر فائر بندی کا اعلان کیا تھا اور اس پر بدستور عمل کیا جارہا ہے۔ یوسف رضا

انہوں نے دونوں ملکوں کی طرف سے اٹھائے گئے اعتماد سازی کے اقدامات کا حوالہ دیتے ہوئے کہا کہ پاکستان نے نومبر دو ہزار تین میں جموں کشمیر میں لائن آف کنڑول پر یکطرفہ طور پر فائر بندی کا اعلان کیا تھا اور اس پر بدستور عمل کیا جارہا ہے۔

اس کے علاوہ ان کا کہنا تھا کہ منقسم کشمیری خاندانوں کو آپس میں ملانے کے لیے مظفرآباد اور سرینگر کے درمیان بس سروس شروع کرنے کے ساتھ ساتھ لائن لائن آف کنڑول کے آر پار جانے لیے چند اور مقامات کھولے گئے۔