شہزاد ملک بی بی سی اردو ڈاٹ کام، اسلام آباد

	سپریم کورٹ میں یہ درخواست ناصر محمود نامی ایک شحض نے دائر کی ہے

یہ لارجر بینچ اٹھارہ اپریل سے اس درخواست کی باقاعدہ سماعت شروع کرے گا۔ یہ درخواست منگل کے روز ایک شخص ناصر محمود نے دائر کی تھی۔
سپریم کورٹ کا یہ لارجر بینچ چیف جسٹس کے علاوہ جسٹس فقیر محمد کھوکھر، جسٹس اعجاز الحسن، جسٹس اعجاز یوسف، جسٹس سخی حسین اور جسٹس زوار حسین بخاری پر مشتمل ہے۔

درخواست میں یہ موقف اختیار کیا گیا ہے کہ عام انتخابات میں حصہ لینے کے لیے بی اے کی شرط سے پاکستان کے کروڑوں افراد متاثر ہو رہے ہیں۔

درخواست میں کہا گیا ہے کہ اس شرط سے بنیادی انسانی حقوق کی بھی خلاف ورزی ہوتی ہے کیونکہ اس شرط کی وجہ سے لوگ انتخابات میں حصہ نہیں لے سکتے۔

چیف جسٹس نے اس درخواست کو سماعت کے لیے منظور کر لیا تھا اور اس ضمن میں اٹارنی جنرل کو نوٹس جاری کیا ہے۔

واضح رہے کہ سنہ دوہزار دو میں ہونے والے عام انتخابات سے پہلے حکومت کی طرف سے ان انتخابات میں حصہ لینے کے لیے بی اے کی شرط رکھی گئی تھی۔