عبادالحق بی بی سی اردو ڈاٹ کام، لاہور

	معزول جج جسٹس رمدے کا سرکاری گھر خالی کرالیا گیا تھا

سپریم کورٹ بار ایسوسی ایشن کے صدر بیرسٹر اعتزاز احسن نے جسٹس خلیل رمدے کی رہائش گاہ پر ہونے والی کارروائی کو مجرمانہ اقدام قرار دیتے اس کے خلاف یوم احتجاج منانے کا اعلان کیا تھا۔

ججز کالونی اسلام آباد میں واقع سپریم کورٹ کے معزول جج جسٹس خلیل الرحمان رمدے کی سرکاری رہائش گاہ کو سنیچر کی رات بغیر کسی پیشگی اطلاع کے خالی کرایا گیا۔

سپریم کورٹ بار ایسوسی ایشن کے میڈیا ایڈوائز محمد اظہر کے مطابق ملک بھر کے وکلاء اکتیس مارچ کو احتجاج کرتے ہوئے کم از کم دو گھنٹوں کے لیے عدالتوں کا بائیکاٹ کریں گے جبکہ بار ایسوسی ایشنز اپنی اپنی سطح پر اجلاسوں کا اہتمام کریں گی جس میں جسٹس رمدے کی رہائش گاہ خالی کرانے پر مذمتی قراردادیں منظور کی جائیں گے۔

ادھر پنجاب کے وکلاء کی نمائندہ تنظیم پنجاب بارکونسل نےجسٹس خلیل رمدے سے زبردستی گھر خالی کرانے کی پروز مذمت کی ہے۔ پنجاب بارکونسل کے وائس چیئرمین اسلم سندھو اور چیئرمین ایگزیکٹو کمیٹی سید انتخاب حسین شاہ نے اعلان کیا ہے کہ صوبہ بھر میں وکلاء دو گھنٹوں کے علامتی ہڑتال کریں گے۔ان کے کہنا ہے کہ وکلاء ساڑھے دس بجے سے ساڑھے بارہ بجے تک عدالتوں میں پیش نہیں ہونگے اور بازوؤں پر سیاہ پٹیاں باندھیں گے۔