دلاور خان وزیر بی بی سی اردو ڈاٹ کام، ڈیرہ اسماعیل خان

	مقامی طالبان کے مطابق غیر ملکی امداد’حرام‘ ہے

مقامی انتظامیہ کا کہنا ہے کہ جنوبی وزیرستان کے صدر مقام وانا میں یہ سٹور ہیڈکواٹرہسپتال کے اندر واقع ہے اور جو سامان جلایا گیا اس میں گھی، چینی اور دال شامل تھی۔

مقامی طالبان کے ایک کمانڈر ملنگ نے تصدیق کرتے ہوئے بی بی سی کو بتایا کہ ’غیرملکی این جی او کا سامان مسلمانوں کے لیے حرام ہے‘۔

ان کہنا تھا کہ مسلمانوں کو چاہیے کہ وہ غیر ملکی امدادی اداروں سے مدد مانگنے کے بجائے ’خودی‘ پیدا کریں۔

جنوبی اور شمالی وزیرستان میں پہلے سے ہی غیر ملکی امدادی اداروں کو مقامی طالبان نشانہ بنا رہے ہیں۔