دلاور خان وزیر، رفعت اللہ اورکزئی بی بی سی اردو ڈاٹ کام ڈیرہ اسماعیل خان ، پشاور

	شمالی وزیرستان میں گزشتہ چار مہینوں سے حالات زیادہ کشیدہ ہیں

حکام کا کہنا ہے کہ میرانشاہ کے قریب ٹل کلے چیک پوسٹ پر حملہ آوروں نے تقرییاً پیچس سے تیس راکٹ فائر کیے۔اس کے بعد سکیورٹی فورسز نےجوابی کاروائی کی جس میں توپخانے کا استعمال کیاگیا اور کئی مشکوک ٹھکانوں کو نشانہ بنایا گیا ۔زخمیوں کو میرانشاہ سکاؤٹس ہسپتال میں داخل کردیاگیا۔

باجوڑ ایجنسی کے اسسٹنٹ پولیٹکل ایجنٹ محمد جمیل نے بی بی سی کو بتایا کہ یہ واقعہ منگل کی صبح آٹھ بجے تحصیل ماموند میں پاک افغان سرحد کے نزدیک پیش آیا۔

انہوں نے کہا کہ سڑک کے کنارے ایک بارودی سرنگ بچھائی گئی تھی جس کے پھٹنے سے ایک بچی اور دو افراد شدید زخمی ہوگئے۔ زخمیوں کو ایجنسی ہیڈکوارٹر ہپستال خار منتقل کر دیا گیا ہے۔

محمد جمیل کے مطابق یہ ابھی واضح نہیں کہ واقعہ کے وجوہات کیا تھی، تخریب کاری بھی ہوسکتی ہے اور ذاتی دشمنی بھی۔

اس کے علاوہ میرانشاہ کے قریب میرعلی روڈ پر واقع قمر چیک پوسٹ پر بھی تقریباً دس راکٹ فائرکئے گئے ۔لیکن اس میں کسی جانی نقصان کی اطلاع نہیں ملی۔حکام کے مطابق یہ لڑائی تین گھنٹے تک جاری تھی۔

یادرہے کہ شمالی وزیرستان میں چار ماہ قبل حالات اس وقت کشیدہ ہوگئے جب مقامی طالبان نے حکومت پر نئئ چوکیوں کی تعمیر کا الزام لگا کر امن معاہدہ توڑنے کا اعلان کر دیا تھا۔