عزیزاللہ خان بی بی سی اردو ڈاٹ کام، کوئٹہ

	سکیورٹی فورس کے دستے پر قریبی پہاڑوں سے راکٹ داغا گیا ہے

یہ واقعہ زیر تعمیر سبی رکھنی روڈ پر پیش آیا ہے، جہاں بارودی سرنگوں کی صفائی کا کام بھی کیا جا رہا ہے۔ سبی کے پولیس افسر شارق جمال نے بتایا ہے کہ سکیورٹی فورسز پر قریبی پہاڑوں سے راکٹ داغا گیا ہے۔

ہلاک ہونے والوں میں ایک لانس نائک اور ایک سپاہی شامل ہے۔ واقعہ کی ذمہ داری تاحال کسی نے قبول نہیں کی ہے۔

گزشتہ روز ڈیرہ بگٹی میں زین کوہ کے قریب پانی کا ایک ٹینکر بارودی سرنگ سے ٹکرا گیا تھا، جس میں پولیس کے مطابق تین افراد زخمی ہو گئے تھے۔ خود کو بلوچ ریپبلکن آرمی کا ترجمان ظاہر کرنے والے سرباز بلوچ نے واقعہ کی ذمہ داری قبول کرتے ہوئے کہا تھا کہ اس میں فورسز کے لیے کام کرنے والا ایک شخص ہلاک بھی ہوا ہے۔