عزیزاللہ خان بی بی سی اردو ڈاٹ کام کوئٹہ

	پاکستان میں سڑک حادثوں میں ہرسال سینکڑوں لوگ ہلاک ہوتے ہیں

قلات سے ڈپٹی سپرنٹنڈنٹ پولیس عبدالعزیز جاکھرانی نے بتایا ہے کہ ٹرک اور مسافر ویگن میں آمنے سامنے تصادم ہوا ہے۔ ہلاک اور زخمیوں کو سوراب قلات اور خضدار ہسپتال پہنچایا گیا ہے۔

قلات سے مقامی صحافی محمود آفریدی نے بتایا ہے کہ چار لاشیں قلات اور تین سوراب ہسپتال پہنچائی گئی ہیں جبکہ ہلاک ہونے والے ایک شخص کا تعلق اسی دیہات سے تھا جہاں یہ حادثہ ہوا ہے اس شخص کووہیں دفن کیا جا رہا ہے۔

زخمیوں نے بتایا ہے کہ حادثہ تیز رفتاری کی وجہ سے پیش آیا ہے۔ ایسی اطلاعات بھی موصول ہوئی ہیں کہ ٹرک فوجیوں کا تھا جس میں کوئٹہ سامان منتقل کیا جا رہا تھا۔

ڈی ایس پی قلات عبدالعزیز جاکھرانی نے بتایا ہے کہ ٹرک کا ڈرائیور موقع سے فرار ہو گیا ہے۔