شہزاد ملک
بی بی سی اردو ڈاٹ کام، اسلام آباد |  |
|   راولپنڈی میں ہونے والے خودکش دھماکوں کے بعد ملک بھر میں حفاظتی اقدامات مزید سخت کردیے گئے ہیں  |
سٹی پولیس افسر راولپنڈی سید مروت علی شاہ نے اس کی تصدیق کرتے ہوئے بتایا ہے کہ فوج کے سگنل کور کے میس اور راولپنڈی میں ایک فائیو سٹار ہوٹل کے درمیان واقع جگہ پر ایک درخت کے نیچے ایک بیگ پڑا ہوا تھا جس کی اطلاع پولیس کو دی گئی۔ اطلاع ملنے کے بعد پولیس، فوج اور بم ڈسپوزل سکواڈ کے اہلکار جائے وقوعہ پر پہنچ گئے اور انہوں نے علاقے کو گھیرے میں لے لیا۔ مروت شاہ نے کہا کہ پولیس اور بم ڈسپوزل سکواڈ کے عملے نے سخت محنت کے بعد اس آٹھ کلو وزنی بم کو ناکارہ بنا دیا۔ انہوں نے بتایا کہ اس بیگ میں ایک دھمکی آمیز خط بھی ملا ہے تاہم انہوں نے اس خط میں لکھی ہوئی تحریر کے بارے میں کچھ نہیں بتایا۔ راولپنڈی میں ہونے والے دو خودکش حملوں اور فوج کے میس کے سامنے دھماکہ خیز مواد کی برآمدگی کے بعد راولپنڈی اور اسلام آباد سمیت ملک بھر میں حفاظتی اقدامات مزید سخت کردیے گئے ہیں اور حساس مقامات پر پولیس اور رینجرز کی نفری بڑھا دی گئی ہے۔ وزارت داخلہ نے اسلام آباد سمیت چاروں صوبوں کے متعلقہ حکام کو ہدایت کی ہے کہ وہ اپنے علاقوں میں حفاظتی انتظامات سخت کردیں اور مشکوک افراد پر کڑی نظر رکھیں۔ اس کے علاوہ متعلقہ حکام سے کہا گیا ہے کہ وہ اپنے علاقوں میں رہائش پذیر غیر ملکی سفارت کاروں اور حکومت سے منسلک شخصیات کی سکیورٹی سخت کردیں۔ وفاقی دارالحکومت کے داخلی اور خارجی راستوں پر پولیس کی نفری بڑھا دی گئی ہے اور شہر میں داخل ہونے والی گاڑیوں کو چیک کیا جا رہا ہے۔ | 
دھماکے:’اب انتخابی مہم مشکل‘
