رفعت اللہ اورکزئی بی بی سی اردو ڈاٹ کام پشاور

	سلمان رشدی نے کئی سال روپوشی میں زندگی گزاری ہے

دوسری طرف اپوزیشن جماعتوں نے صوبائی حکومت کی طرف سے ترقیاتی سکیموں میں فنڈز کی تقسیم میں امتیاز برتنے پر بجٹ اجلاس کا بائیکاٹ کیا۔

منگل کو سرحد اسمبلی کا بجٹ اجلاس سپیکر بخت جہان خان کی سربراہی میں شروع ہوا تو بحث سے پہلے ایم ایم اے سے سے تعلق رکھنے والے حکومتی اراکین اسمبلی مولانا امانت شاہ، منظور سید، خواتین اراکین نعیمہ کشور اور زبیدہ خاتون نے ایک نکتۂ اعتراض پر کہا کہ برطانوی حکومت نے متنازعہ مصنف سلمان رشدی کو ’سر‘ کا خطاب دیکر مسلمانوں کی دل آزاری کی ہے لہذا تمام کاروائی معطل کر کے پہلے اس معاملے پر انہیں قرارداد پیش کرنے کا اجازت دی جائے۔

سپیکر کی طرف سے اجازت پر حکومتی اراکین نے پانچ ایک جیسی قراردادیں پیش کیں اور ایوان کو بتایا کہ برطانوی حکومت نے سلمان رشدی کو سر کا خطاب دیکر پوری دنیا میں مسلمانوں کے جذبات کو ٹھیس پہنچانے کی کوشش کی گئی ہے۔

انہوں نے کہا کہ برطانیہ اور دیگر مغربی ممالک ایک طرف تو بین المذاہب ہم آہنگی کی بات کرتے ہیں تو دوسری طرف انہوں نے ایک متنازعہ مصنف کو سر کا خطاب دیکر مسلمانوں کے جذبات مجروح کرتے ہیں۔

بجٹ اجلاس کا بائیکاٹ سرحد اسمبلی میں حزب اختلاف کی جماعتوں نے صوبائی حکومت کی طرف سے ترقیاتی سکیموں کے لیے فنڈز مقرر کرنے میں امتیاز برتنے پر بجٹ اجلاس کا بائیکاٹ کیا

سرحد اسمبلی میں قائد حزب اختلاف شہزادہ گستاسب خان نے صحافیوں سے بات کرتے ہوئے کہا کہ اپوزیشن جماعتیں قرارداد کی بھرپور حمایت کرتے ہیں۔ ان کا کہنا تھا کہ سلمان رشدی نے پیغمبر اسلام کی توہین کی تھی لہذا جو بھی اس قرارداد کی حمایت نہیں کرے گا وہ کفر میں داخل ہوگا۔

ادھر دوسری طرف سرحد اسمبلی میں حزب اختلاف کی جماعتوں نے صوبائی حکومت کی طرف سے ترقیاتی سکیموں کے لیے فنڈز مقرر کرنے میں امتیاز برتنے پر بجٹ اجلاس کا بائیکاٹ کیا۔

اپوزیشن ممبران کا کہنا تھا کہ بجٹ میں حزب اختلاف کی جماعتوں سے تعلق رکھنے والے اراکین اسمبلی کو نظر انداز کیا گیا ہے۔ اپوریشن کا بائیکاٹ جاری تھا کہ سپیکر نے اجلاس بدھ کی صبح تک ملتوی کر دیا۔