ریاض سہیل بی بی سی اردو ڈاٹ کام، کراچی

	عمران خان الطاف حسین کے خلاف عدالتی چارہ جوئی کے سلسلے میں لندن گئے ہوئے ہیں

محکمہ داخلہ کے سیکریٹری غلام محمد محترم نے اس کی تصدیق کرتے ہوئے بتایا کہ اس بارے میں نوٹیفیکیشن جاری کردیا گیا ہے۔

متحدہ مجلس عمل کی جانب سے منعقدہ مجلس مشاورت کی بریفنگ کے دوران عمران خان نے متحدہ قومی موومنٹ کو سخت تقنید کا نشانہ بنایا تھا، جس کے بعد ان کی متحدہ کے ساتھ کشیدگی میں اضافہ ہوگیا تھا۔

چھبیس مئی کو سندھ حکومت نے عمران خان کی صوبے میں داخلے پر ایک ماہ کے لئے پابندی عائد کردی تھی۔

عمران خان نے ستائیس مئی کو کراچی میں جلسے اور بارہ مئی کے واقعات میں ہلاک ہونے والوں کے ورثا سے تعزیت کا اعلان کیا تھا۔ اس پابندی کے وقت عمران خان لاہور میں موجود تھے ۔

ستائیس مئی کی صبح عمران خان جب لاہور ایئرپورٹ پہنچے تو پنجاب حکومت نے انہیں کراچی جانے نہیں دیا تھا اور انہیں آگاہ کیا گیا تھا کہ ان کے لاہور سے باہر جانے پر تین روز کی پابندی ہے۔

عمران خان کا کہنا تھا کہ انہوں نے یہ جرآت کی ہے کہ وہ الطاف حسین کے خلاف لندن میں ایک مقدمہ دائر کریں گے اور اس لیے ان پر پابندی لگائی جارہی ہے۔

ان کی کراچی آمد سے دو روز قبل ہی ان کے خلاف وال چاکنگ کی گئی تھی جس میں ان کے خلاف نازیبا الفاظ استعمال کیے گئے۔

عمران خان ایم کیوایم کے سربراہ الطاف حسین کے خلاف عدالتی چارہ جوئی اور انہیں برطانیہ سے بدر کروانے کی کوششوں کے سلسلے میں لندن گئے ہوئے ہیں۔