احمد رضا بی بی سی اردو ڈاٹ کام، کراچی

	’مختلف علاقوں کی ثقافتوں اور مسائل کے بارے میں معلومات میں اضافہ ہوا‘

کثرت رائے کا کہنا ہے کہ اپنی منزل پر پہنچنے پر توقع کے برعکس کراچی انتظامیہ کے کسی عہدیدار نے اس کا خیر مقدم نہیں کیا بلکہ الٹا پولیس اہلکاروں نے انہیں مشکوک قرار دے کر تلاشی لی اور بے عزتی کی۔

ح

بڑا مطالبہ  ’جو طاقتیں دنیا پر ہٹلرزم مسلط کررہی ہیں ان کا محاسبہ کیا جائے کیونکہ اس سے پوری دنیا کا امن تباہ ہورہا ہے اور اس وقت پوری دنیا میں جس چیز کا سب سے زیادہ مطالبہ ہورہا ہے وہ امن ہے کثرت رائے

انہوں نے کہا کہ مجموعی طور پر ان کا تجربہ بہت اچھا رہا اور ان کی ملک کے مختلف علاقوں کے لوگوں، ثقافتوں اور مسائل کے بارے میں معلومات میں اضافہ ہوا اور یہ بھی پتہ چلا کہ لوگ کیا چاہتے ہیں۔

انہوں نے بتایا کہ ان کا یہ سفر دنیا میں امن قائم کرنے کی کوشش تھی اور خاص طور پر اس کا مقصد دنیا میں اسلام اور پاکستان کا اچھا تاثر قائم کرنا اور یہ پیغام بھیجنا تھا کہ ہم ایک امن پسند قوم ہیں ۔

انہوں نے کہا کہ امن اس وقت تک ممکن نہیں جب تک لوگوں کو بنیادی حقوق نہ دیے جائیں، جب تک عالمی سطح پر منصفانہ پالیسیاں نہ بنائی جائیں اور جب تک حاکمانہ رویوں میں تبدیلی نہ پیدا کی جائے۔

انہوں نے عالمی برادری سے اپیل کی کہ ’جو طاقتیں دنیا پر ہٹلرزم مسلط کررہی ہیں ان کا محاسبہ کیا جائے کیونکہ اس سے پوری دنیا کا امن تباہ ہورہا ہے اور اس وقت پوری دنیا میں جس چیز کا سب سے زیادہ مطالبہ ہورہا ہے وہ امن ہے‘۔

انہوں نے بتایا کہ حکومت کی جانب سے انہیں اس سفر کے لیے کوئی سہولت فراہم نہیں کی گئی، اس کی صرف اخلاقی حمایت ساتھ رہی۔

کثرت رائے نے بتایا کہ انہوں نے اس سفر کے لیے کسی سے کوئی مالی مدد حاصل نہیں کی۔