ہارون رشید بی بی سی اردو ڈاٹ کام، اسلام آباد

	’دھماکے کے مقام پر کوئی گڑھا بھی نہیں پڑا‘

ادھر وفاقی حکومت نے پشاور دھماکے کی تحقیقات کے لیے ماہرین کی ایک ٹیم روانہ کر دی ہے۔

ملا داد اللہ کا آخری انٹرویو

تاہم ان کا کہنا تھا کہ یہ حملہ پاکستان کے دہشت گردی کے خلاف عالمی جنگ کا حصہ ہونے کا ردِعمل ہے۔ ان کا کہنا تھا کہ یہ ملک، قوم اور اسلام دشمن عناصر کی کارروائی ہے جس کی جتنی بھی مذمت کی جائے کم ہے۔ انہوں نے کہا کہ ہلاک ہونے والوں کی تعداد پچیس ہے جبکہ تیس افراد زخمی ہوئے ہیں۔

ماضی میں ایسے واقعات کا تعلق قبائلی علاقوں یا سرحد پار سے ثابت ہوا ہے لیکن فی الحال اس قسم کی کوئی بات کرنا قبل از وقت ہوگا بریگیڈئر(ر) جاوید اقبال چیمہ

جاوید اقبال کا کہنا تھا کہ ابتدائی تحقیقات سے یہ بظاہر خودکش حملہ ہی محسوس ہوتا ہے۔ انہوں نے بتایا کہ دھماکے کے مقام سے دو ٹانگیں اور خودکش حملے میں استعمال ہونے والے نٹ ، بولٹ ملے ہیں جبکہ دھماکے کے مقام پر کوئی گڑھا بھی نہیں پڑا ہے تاہم ’اس بارے میں حتمی رائے ماہرین کی تحقیقات کے بعد ہی قائم کی جا سکتی ہے‘۔

انہوں نے اس بارے میں بھی کوئی واضح جواب دینے سے انکار کیا کہ اس دھماکے کے تانے بانے کہاں ملتے ہیں تاہم ان کا کہنا تھا’ماضی میں ان کا تعلق قبائلی علاقوں یا سرحد پار سے ثابت ہوا ہے لیکن اس قسم کی کوئی بات کرنا قبل از وقت ہوگا‘۔

انہوں نے دعوٰی کیا کہ وزیرِ داخلہ آفتاب شیرپاؤ پر خودکش حملے کی واقعے کی تحقیقات میں پیش رفت ہوئی ہے اور اس سلسلے میں جلد کامیابی ملنے کی امید ہے۔

جاوید اقبال نے اس تاثر کو غلط قرار دیا کہ حکومت خودکش حملوں اور بم دھماکوں کے مجرموں تک پہنچنے میں ناکامی رہی ہے۔ ان کا موقف تھا کہ گزشتہ تین چار برس میں کئی افراد کو ان حملوں میں ملوث ہونے کی وجہ سے سزائیں دلوائی جا چکی ہیں۔