عزیزاللہ خان بی بی سی اردو ڈاٹ کام، کوئٹہ

	بلوچستان میں فوجی کارروائی کوہلو میں راکٹ فائر کرنے سے شروع کی گئی تھی۔

کوہلو سے مقامی لوگوں نے بتایا ہے کہ تراتانی میں سکیورٹی فورسز کے ایک قافلے پر مسلح قبائلیوں نے بھاری اسلحے سے حملہ کیا ہے۔ اس حملے میں ایک صوبیدار میجر سمیت چھ اہلکار زخمی ہوئے ہیں۔

دریں اثناء اپنے آپ کو کالعدم تنظیم بلوچ لبریشن آرمی کا ترجمان ظاہر کرنے والے بیبرگ بلوچ نامی شخص نے حملے کی ذمہ داری قبول کی ہے اور دعویٰ کیا ہے کہ اس حملے میں فورسز کا نقصان کہیں زیادہ ہوا ہے۔

بیبرگ بلوچ کا کہنا تھا کہ اس حملے کے بعد تراتانی میں قائم فورسز کی چوکی خالی کر دی گئی ہے۔

سرکاری سطح پر اس حملے کی تصدیق نہیں ہو سکی۔ بلوچستان حکومت کے وزیر داخلہ شعیب نوشیروانی اور صوبائی حکومت کے ترجمان رازق بگٹی سے بارہا کوشش کے باوجود رابطہ نہیں ہوسکا۔