عبدالحئی کاکڑ بی بی سی اردو ڈاٹ کام، پشاور

	بنوں قبائلی علاقے وزیرستان سے ملحق ہے

پولیس کے ایک اہلکار نے بی بی سی کو بتایا کہ منگل کی شام بنوں شہر سے تقریباً سولہ کلومیٹر دور غوری وال تھانہ کے حدود میں چند مسلح افراد نے ضلع بنوں کے ڈپٹی ڈائریکٹر لوکل گورنمنٹ محمد خان کو اغواء کر لیا ہے۔

پولیس اہلکار کے مطابق مغوی محمد خان کے بیٹے نے رپورٹ درج کراتے ہوئے الزام لگایا ہے کہ ان کے والد کو علاقے میں سرگرم مقامی طالبان نے اغواء کیا ہے۔

پولیس کا کہنا ہے کہ انہوں نے مغوی افسر کی بازیابی کے لیے کوششیں شروع کر دی ہیں، لیکن تاحال انہیں کوئی کامیابی حاصل نہیں ہوئی ہے۔

واضح رہے بنوں پاکستان کے قبائلی علاقے وزیرستان سے ملحق ہے اور وہاں پر گزشتہ کچھ عرصے کے دوران مقامی طالبان کی کارروائیوں میں اضافہ دیکھنے میں آیا ہے۔