علی سلمان بی بی سی اردو ڈاٹ کام، لاہور

	جس ملک کے اپنے ہمسائیوں سے تعلقات بہتر ہوتے ہیں اس ملک کو احترام کی نظر سے دیکھا جاتا ہے

قائد حزب اختلاف نے یہ بات ہندوستان جاتے ہوئے لاہور کے واہگہ بارڈر پرانہوں نےذرائع ابلاغ کے نمائندوں سے گفتگو کرتے ہوئے کہی۔

مولانا فضل الرحمان پاکستان سے جانے والے جے یوآئی اے کے اٹھائیس رکنی وفد کے سربراہ ہیں جو چوبیس اپریل کو دہلی میں جمعیت علمائے ہند کے سابق امیر مولانا اسعد مدنی کی یاد میں ہونے والے سیمنار میں شرکت کرے گا۔

ہندوستان جانے والے جمعیت علمائے اسلام کے وفد میں چھ اراکین قومی اسمبلی،چار سینیٹر اور صوبائی اسمبلیوں کے ساتھ اراکین شامل ہیں۔

صوبہ سرحد کے وزیر اعلی اکرم درانی اور وفد کے دیگر پچیس اراکین سنیچر کو ہندوستان پہنچ گئے تھے جبکہ اتوار کی صبح مولانا فضل الرحمان ،سینٹر طلحہ محمود اور مفتی ابرار بھی واہگہ کے راستے دلی چلے گئے۔

دونوں ملکوں کی بہتری کی لیے کئی تجاویز دی جاسکتی ہیں لیکن جب بھانت بھانت کی تجاویز دی جائیں تو معاملہ پیچیدہ ہوجاتا ہے۔ فضل الرحمان

مولانا فضل الرحمان نے کہا کہ ’یہ اتحاد ہمیں ڈبو دے گا۔ لہذا ہم چاہتے ہیں کہ پاکستان اپنے پڑوسی ممالک ہندوستان، افغانستان، ایران سے تعلقات بہتر کرکے دوستی استوار کرنی چاہیے۔

انہوں نے کہا کہ جس ملک کے اپنے ہمسائیوں سے تعلقات بہتر ہوتے ہیں اس ملک کو دنیا میں احترام کی نظر سے دیکھا جاتا ہے۔

جب مولانا فضل الرحمان سے پوچھا گیا کہ کیا وہ بھارتی حکام سے ملاقاتیں کرکے دو طرفہ معاملات کی بہتری کے لیے کردار اداکریں گے تو انہوں نے کہا کہ ایسی ملاقاتیں ایجنڈے میں شامل تو نہیں ہیں لیکن اگر موقع ملا تو وہ یہ کردار ضرور ادا کریں گے۔

ایک اور سوال کے جواب میں انہوں نے کہا کہ دونوں ملکوں کی بہتری کی لیے کئی تجاویز دی جاسکتی ہیں لیکن جب بھانت بھانت کی تجاویز دی جائیں تو معاملہ پیچیدہ ہوجاتا ہے۔ ’اس لئے بہتری اسی میں ہے کہ اپنے قومی موقف پر قائم رہتے ہوئے آگے بڑھا جائے۔‘ انہوں نے کہا تجاویز کا تبادلہ دونوں ملکوں کے حکام آپس میں کریں تو تب ہی بہتر ہے۔

جمعیت علمائے اسلام کے سیکرٹری اطلاعات مولانا امجد خان نے بتایا کہ مولانا کی واپسی چھبیس اپریل کو متوقع ہے۔