رفعت اللہ اورکزئی بی بی سی اردو ڈاٹ کام، پشاور

	انیس مارچ سے جاری اس لڑائی میں اب تک دونوں جانب سے ڈھائی سو کے قریب افراد ہلاک ہوچکے ہیں۔

دوسری طرف فوجی ترجمان کا کہنا ہے کہ قبائل نے تاحال ان سے مدد کےحوالے رابط نہیں کیا تاہم اگر انہوں نے اس سلسلے میں درخواست کی تو حکومت اس پر بعد میں سوچی گی۔

صدر مقام وانا سے ملنے والی اطلاعات کے مطابق جمعرات کو احمدزئی وزیر قبائل کا ایک جرگہ امن کمیٹی کے سابق رکن ملک شرین جان کی قیادت میں منعقد ہوا جس میں اس قبیلے کے سینکڑوں افراد نے شرکت کی۔

جرگے نے حکومت سے مطالبہ کیا کہ ازبک غیر ملکیوں کے خلاف جاری لڑائی میں ان کی مدد کی جائے۔ جرگے سے خطاب میں قبائلی سرداروں نے کہا کہ حکومت کے تعاون کے بغیر غیر ملکیوں کے خلاف کامیابی مشکل ہے لہذا حکومت کو اس سلسلے میں قبائل کی مدد کرنی چاہیے۔

ڈھائی سو افراد ہلاک ہو چکے ہیں  قبائل اور ازبک جنگجوؤں کے مابین انیس مارچ سے جاری اس لڑائی میں اب تک دونوں جانب سے ڈھائی سو کے قریب افراد ہلاک ہوچکے ہیں

حکومت وزیرستان میں قبائل اور غیر ملکیوں کے مابین دو ہفتے قبل شروع ہونے والی ان جھڑپوں میں ملوث ہونے کی تردید کرتی رہی تاہم بعض ذرائع کے مطابق قبائل کو حکومت کی مبینہ حمایت اور مدد حاصل ہے۔

ادھر دوسری طرف قبائل اور ازبک غیر ملکیوں کے مابین لڑائی آج بھی وانا کے مغرب میں وقفے وقفے سے جاری رہی۔ تاہم تازہ جھڑپوں میں ہلاکتوں کی اطلاعات نہیں ملی ہے۔

گزشتہ روز قبائلی لشکر کی جانب سے شین ورسک اور ژہ غنڈی کے علاقوں میں قائم غیر ملکیوں کے مورچوں پر بھاری ہتھیاروں سے شدید حملے میں حکام کے مطابق اڑتالیس افراد ہلاک ہوگئے تھے۔

مقامی ذرائع کا کہنا ہے کہ آج صبح مولوی نذیر کی حامیوں کی جانب سے شین ورسک میں غیر ملکیوں کے اہم مورچوں پر تازہ حملے کئے گئے جس کے نتیجے میں قبائل جنگجوؤں نے کچھ علاقوں پر کنٹرول بھی حاصل کرلیا تاہم ایک مورچے پر غیر ملکیوں کا قبضہ بدستور برقرار بتایا جاتا ہے۔

شین ورسک میں ’ پکے مورچوں ’ کے نام سے مشہور یہ مورچے پاکستانی سکیورٹی فورسزز نے مقامی جنگجوؤں کے ساتھ لڑائی میں تعمیر کرائے تھے ۔ بعد میں حکومت اور مقامی طالبان کے مابین امن معاہدے کے نتیجے میں ان مورچوں کو سکیورٹی فورسزز نے خالی کرایا تھا جو اب غیر ملکیوں کے زیر کنٹرول بتائے جاتے ہیں ۔

تازہ جھڑپیں مزید علاقوں پر کنٹرول  مولوی نذیر کی حامیوں کی جانب سے شین ورسک میں غیر ملکیوں کے اہم مورچوں پر تازہ حملے کئے گئے جس کے نتیجے میں قبائل جنگجوؤں نے کچھ علاقوں پر کنٹرول بھی حاصل کرلیا

قبائل اور ازبک جنگجوؤں کے مابین انیس مارچ سے جاری اس لڑائی میں اب تک دونوں جانب سے ڈھائی سو کے قریب افراد ہلاک ہوچکے ہیں۔ قبائل نے علاقے میں کئی سالوں سے مقیم غیر ملکیوں کو علاقہ بدرکرنے تک جنگ جاری رکھنے کا اعلان کررکھا ہے۔