ہارون رشید بی بی سی اردو ڈاٹ کام، پشاور

	جنوبی وزیرستان میں شدت پسندوں کے خلاف فوجی کارروائی 2003 میں شروع ہوئی

وزیر داخلہ نے بتایا کہ ہلاک ہونے والوں میں پینتالیس غیرملکی اور باقی مقامی قبائلی ہیں تاہم ان اعداد کی آزادانہ ذرآئع سے تصدیق نہیں ہوسکی ہے۔

لڑائی میں نیم فوجی ملیشیا کے دو فوجی بھی ہلاک ہوئے ہیں تاہم فوج کے ترجمان میجر جنرل ارشد وحید کا کہنا تھا کہ ان کے پاس ایسی کوئی اطلاع ابھی نہیں ہے۔

مقامی سرکاری اہلکاروں نے ہلاک ہونے والوں کی تعداد ستائیس بتائی تھی۔

پاکستان حکومت اور مقامی طالبان میں معاہدہ

ایک ہفتہ قبل ایک جرگے کی کوششوں کے نتیجے میں عارضی جنگ بندی ہو گئی تھی لیکن دو روز قبل لڑائی پھر شروع ہو گئی۔

اطلاعات کہ مطابق ہلاک ہونے والوں میں تین مقامی اور سات غیرملکیوں کے علاوہ ایک موٹر سائیکل سوار شہری بھی شامل ہے۔

وانا سے مغرب میں کلوشہ، اعظم ورسک اور شین ورسک کے علاقوں میں یہ لڑائی انیس مارچ کو شروع ہوئی تھی۔

مقامی جنگجوؤں کے سربراہ مولوی نذیر نے اعلان کیا ہے کہ غیرملکیوں کو غیرمسلح اور علاقہ بدر کرنے تک جنگ جاری رہے گی۔

اطلاعات کے مطابق غیرملکیوں کے خلاف لڑنے والے ایک قبائلی جنگجو سردار حاجی شریف بھی لڑائی میں زخمی ہوئے ہیں۔ تاہم ان کی جان کو اس سے کوئی خطرہ نہیں ہے۔

ادھر غیرمصدقہ اطلاعات کے مطابق پاکستانی سکیورٹی فورسز کے اہلکاروں نے سفید کپڑوں میں غیرملکیوں کے خلاف لڑائی میں مولوی نذیر کا ساتھ دینا شروع کر دیا ہے۔ اس خبر کی تاہم سرکاری ذرائع سے تصدیق نہیں ہوسکی ہے۔