رفعت اللہ اورکزئی بی بی سی اردو ڈاٹ کام، پشاور

	انیس مارچ سے جاری اس لڑائی میں اب تک دونوں جانب سے ڈھائی سو کے قریب افراد ہلاک ہوچکے ہیں۔

گزشتہ روز قبائلی لشکر کی جانب سے شین ورسک اور ژہ غنڈی کے علاقوں میں قائم غیر ملکیوں کے مورچوں پر بھاری ہتھیاروں سے شدید حملے میں حکام کے مطابق اڑتالیس افراد ہلاک ہوگئے تھے ۔

پکے مورچے  شین ورسک میں ’ پکے مورچوں‘ کہلانے والے یہ مورچے پاکستانی سکیورٹی فورسزز نے مقامی جنگجوؤں کے ساتھ لڑائی میں تعمیر کرائے تھے۔ بعد میں حکومت اور مقامی طالبان کے مابین امن معاہدے کے نتیجے میں ان مورچوں کو سکیورٹی فورسزز نے خالی کرایا تھا جو اب غیر ملکیوں کے زیر کنٹرول بتائے جاتے ہیں۔

شین ورسک میں ’ پکے مورچوں‘ کہلانے والے یہ مورچے پاکستانی سکیورٹی فورسزز نے مقامی جنگجوؤں کے ساتھ لڑائی میں تعمیر کرائے تھے۔ بعد میں حکومت اور مقامی طالبان کے مابین امن معاہدے کے نتیجے میں ان مورچوں کو سکیورٹی فورسزز نے خالی کرایا تھا جو اب غیر ملکیوں کے زیر کنٹرول بتائے جاتے ہیں۔

ادھر وانا سکاؤٹس کیمپ سے پاکستانی سکیورٹی فورسز کی طرف سے غیر ملکیوں کے مورچوں پر وقفے وقفے سے توپ کے گولے داغے جانے کی بھی اطلاعات ہیں تاہم سرکاری طور پر اس سلسلے میں کچھ نہیں کہا گیا۔

قبائل اور ازبک جنگجوؤں کے مابین انیس مارچ سے جاری اس لڑائی میں اب تک دونوں جانب سے ڈھائی سو کے قریب افراد ہلاک ہوچکے ہیں۔ قبائل نے علاقے میں کئی سالوں سے مقیم غیر ملکیوں کو علاقہ بدر کرنے تک جنگ جاری رکھنے کا اعلان کر رکھا ہے۔